بطرس رشدى جندى
الحوار المتمدن-العدد: 4203 - 2013 / 9 / 2 - 20:12
المحور:
كتابات ساخرة
- اغلب العرب لما يسافر دوله اوروبيه ... اول حاجه يدور عليها الستات والخمرة والديسكوهات ... ولما يتحط قدامه لحم خنزير يقولك استغفر الله العظيم .
- هى المواصلات ايه غير سواق مشغل اغانى مضروبة بالنار وواحد رغاى وصوته عالى بيخرم الودان وواحد قرفان بينفخ ويشتم طول الطريق ... وباقى العربية نايمين ... وواحد قاعد بيتفرج عليهم ويضحك .
- فيه شيخ بيقولك ( الزوجة ترقص لزوجها حلال .. لكن الاغانى حرام ) طيب ترقص ازاي ؟ .. الى اليسار الى اليمين الى الوراء .... والان استديري بارك الله فيكي .
- لو عاوز المصريين يقروا كتاب من اول صفحة لاخر صفحة ... اكتب عليه للمتزوجين فقط .
- فيه ناس كده لما تديهم عينيك ... يطمعوا فى حواجبك .
هل تعلم ان النساء أذكى من الرجال ... لأن إلرجال إذا اجتمعوا 10 ... واحد بيحكي والـ 9 بيسمعوا ... أما إلنساء إذا اجتمعوا 10 ... جميعهم يتكلمون ويسمعون و يفهمون ، ويضحكون ، ويبكون ، ويأكلون .
- سألته زوجته لماذا تبكي ؟ فقال: رأيت في منامي اميرة جميلة تحاول أن تأخذني وتقتلك، فقالت له: اهدأ انه مجرد حلم، فقال: ما هو ده اللي منكد عليا .
كان فيه راجل حكيم قاعد ينصح الرجالة .. قال : الرجل المتزوج لازم كل يوم اول ما يصحى من النوم يبوس ايد مراته ... ساله واحد من القاعدين : طيب واللى مش متجوز ... يعمل ايه ... قاله : يبوس ايده وش وضهر على النعمة اللى هو فيها .
#بطرس_رشدى_جندى (هاشتاغ)
كيف تدعم-ين الحوار المتمدن واليسار والعلمانية
على الانترنت؟