جواد القابجي
الحوار المتمدن-العدد: 2929 - 2010 / 2 / 27 - 10:31
المحور:
الادب والفن
لتِّحاد الشعب أنطي ثقتي
لسان گلب الشعب تحمل غايتي
*******
للشعب صوت الشجاعه العادله
هيَّ مستقبل وطنَّه امأصِّله
انتخب يا شعب لجل العائله
لا تودِّي الصــــــــوت للما ينتخي
********
شيل راسك يا وطنّه
بتِّحاد الشعب صرنه
نبني سورك يا وطن
ما توگّفنه المحن
انزود كلما راح منَّه ++ شهم من اجل الوطن
*********
ذوله احنه احمر علمنه
انزود نكبر ما نگصنه
نسأل اسنين المُضن
اشكُثر من دمنه رون
صار حبّك يا وطنّه ++ نقش يا أحله وطن
**********
ذبني ابطريق الشعب ++ خلّيني اتباهه
حلوه اتحاد الشعب ++ كل احنه ويّاهه
*****
ورد اورياض اوشمس ++ والهور والگمره
قائمة حُب لليحس ++ واليحصد الثمره
*****
بس بتّحاد الشعب ++ نتنومس ابقدره
ونحاسب اللي نَهب ++ ونوسِّده الغبره
********
هيه يلله نعمل سوه ++ وعراقنه انعَمْره
واللي يخون الوطن
نوگفله ونْدَمْره
***********************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟