جهاد علاونه
الحوار المتمدن-العدد: 2490 - 2008 / 12 / 9 - 09:38
المحور:
الادب والفن
جفرا هي ..يا ..إلّرّبع: صاير أعرف أرقَصْ
خصري إلتوى مع قلبي, من أي حركه برقُصْ
ما بدي إنك تنجح , بدي إنك تسقَطْ
ومن الفاسد والواطي بدي الليله : أخلَُصْ
مليون واحد في الأردن في تقريره بيكذب
مليون واحد ببلادي في كلامه بخبُص
جفرا هي يا إلّربع صاير كلشي أعرف
مابدي أسقط فيها بدي أعرف :أملص
بدي أحكيلك عن وطني, وشو بدي أحكي؟
الفاسد طبعا : بزداد.... ولا مره إبينقَصْ
قاعد مش سائل عني , ولا عُمره بسأل
وجهه السافل والبارد, أبّرد من جبهة قُبرص
جفرا هي يا الرّّّبع طول العمر بعرف
إنه الحيه والأفعى تحت التبن : إبتقرُصْ
وتراب الأردن غالي تحته نايم حُبي
لو مره يصحا ويشوف , كيف الراقص : برفُصْ
يا ليل زاد القهر يا ليلي يا عيني
بطني منهم بوجعني بطني كله حُمّصْ
#جهاد_علاونه (هاشتاغ)
كيف تدعم-ين الحوار المتمدن واليسار والعلمانية
على الانترنت؟