رحيم الغالبي
الحوار المتمدن-العدد: 2465 - 2008 / 11 / 14 - 02:46
المحور:
الادب والفن
الهوى الاول ________
عيونك و الهوى الكالوا
- حبيبي –
اشتعلن بروحي شمعتين ودمع
صرنه اسمين
اعله خط من ماي
والدنيه - شمع
الضحكه احسبيها ذنب
كالت آنه الريح العذيبي من اهب
وشفتك ابالي اغاني .....
وليل ( بالشطرة )
وخطوتك عالرصيف الغرباني
.... وذكرياتك
..... والدرب
....... والباب
وصدّكت حتى السراب ، وجذّبتهم
ياهوى - الغراف - صدّك جذبتهم
حتى ضويات العجد غاضت علينه...
وحشمت للناس ك
ها......اثنينهم مروا شفتهم ...!!
وانفضحنه – وانمنع كل العشك ،
حتى الحجايات النظيفه
بس اظل.. آنه جرح
آنه جرح وانته نزيفه..!!
ولك شوف انته نزيفه. . .!!
والعجود بوجهي طفّت كل ضوه
مادرتنه....
مادرتنه انموت بالخطوة سوه
مادرتنه...
ىنه اصير اشراع
. . . و اعتازك هوه
ولك شوف آنه اصير اشراع
وعيونك ..هوه
1972
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟