تنفتح بيدي جريدة

رحيم الغالبي

الحوار المتمدن-العدد: 2435 - 2008 / 10 / 15 - 05:50
المحور: الادب والفن
    

يمته اشوفك تنفتح ..كاغد جريدة
وتنفتح
ورقة بريده
البيه حلمنه من الطفوله
يطيح يا... قطرة مطر
فوك الورد...
ونحقق احلام الجديدة
ايطيح جن جمّار
ياجمّار....
.....
من بين السعف
ماهمتة يلاكي جرّيدة
مو شفت طيفك على عيوني جبل
و خبر من جنه نريده
النحلة سوت عسل للناس
ضحت بسرب النحل .. صارت عجيبه
ردنه السوالف ...
مثل
كذلة النخلة فرح بصراوي
ردنه نمشّط كل كصيبة
.... نعايد الحلوات....
رد نه احباب من جنه نريده
الجان يوكف بأول سطر
بأول قصيدة

يسهر العشار ويغني
(ياعشكنة .. ياعشكنة )*
..
والمايغني يمك...
يطخ راسه بجبل بارد
ماعرف عمره - حديقه –
يشوف تنور العمر
جي مالكه فرصه بطريقه
............

يمك اعبر.. نهر بس وين الجسر
وين الجرف ؟؟
وين ...
الفرح غيمة سمه الكلش بعيدة
مشه العشار... يحلم
بس بواجي
والعروس اللابسه منك تراجي
اتكابل ( الغراف ) واهوار الغموكة *
ولامطر منك نضوكه
يا جنح فراشة انكسر فوك الورد
ولا شفت رشة جفافي..
ليش غافي ...؟؟؟
والحديقة التزهي بالقداح
ماشافت اجناح
الي يمر
فوك الورد
فوك الغصن
فوك الافق ترسم حقيقه
ولو شدة ورد وياهه ياس ..
تغازل اسياج الحديقة
آخ تالي الليل
لو صديق يكض صديقه ...!!!
......
كل عمرنه انتاني كل.. صبحك نده
ورد جوري والبنفسج
وطعمك القداح
يترس كل حديقه
وغيرنه العاكول يملي الكاع ماله
و لاجسر
لانهر
لاجرف
صادف كل طريقه
.....

شلون ابني لي جسر
والنهر خالي ؟؟
......
اتمنة اشوفك تنفتح
كاغد جريده
مثل ماتنفتح سمه بوجه النجوم
واحجي يمك كل قهر عمري
وأعيدة
صعبه عمرك ياحبيبي
عايش ابلدان
عن دجلة وفرات
صارت بعيدة
هو عمر اليجزي الستين
والفراك تكول سجين
وغدت تحمي الحديدة ...
(ماننحني للبس نريدة * )
وطن حر انريد
واشعوبة سعيدة
.....
كومي ياروحي اعله كيفج
بوسي
خد السمه
من يجي بأول ليل طيفج
طيحي حيل
..........
.......

اشفاي مالت على خدك
كتبت و رسمت قصايد والصور
تبجي افراك المنسيين
ومثل طيفك
ماحضر
زخت اعلينه مطر
حتى بدر السياب من بصرتنه حظر
دوّخني احلامك الحلوات

...... من طاحن على ليلي
تره طاحن صخر....
و ... رسمن كمر

ارد اشكيلك
اجتنه اصنام
ودخلينه كهف ..
مانطلع اسنين ,
جي نحبك
حد شارع عسل
جي نحبك
جي نحبك
جي نحبك يانجل – لينين -



5 -10 -2008
* ماننحني بس للنريدة - من عنوان قصيدة شعبيه للشاعر السوفياتي - الداغستاني - الراحل رسول حمزاتوف ترجمتها للشعبية العراقيه ونشرت في جريدة نبض الشباب زمن النظام البائد المنهار نشرها الشاعر كاظم اسماعيل الكاطع كوني بكلوريوس لغة
روسية عام 75

#رحيم_الغالبي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات