زهير دعيم
الحوار المتمدن-العدد: 2403 - 2008 / 9 / 13 - 05:25
المحور:
الادب والفن
بعد المسا والدّرب كلُّو طْلوع
مشيت وحدي وخيالَك قبالي
أصرخ يا ربّي بْكفي وجع ودموع
ما عاد قلبي يتحمّل احوالي
انسَ الوعد
انسَ ألف ميعاد
جفّ الهوى
وورداتو من البعاد
ونتّف الحسّون ريشاتو
عيوني كُنِتْ
دربي ومشواري
ليلي المكحَّل
وعنوان أشعاري
وجمره صغيري
تضوّي بعتماتو
ليش الهجر
وكنت موّالي
ليش القسا
جرّحت أحوالي
ذبل الورد
وانتحر هالنيسان
ومات الهوى بحسراتو
ضاع الامل
ومات في القلب تشرين
فرّ الغَزّل
من بلاد هالحلوين
وبعدَك لقلبي
أحلى نسماتو
#زهير_دعيم (هاشتاغ)
كيف تدعم-ين الحوار المتمدن واليسار والعلمانية
على الانترنت؟