(( الآيات .. والتأريخ لا يرحم ))

كاظم المظلوم

الحوار المتمدن-العدد: 1879 - 2007 / 4 / 8 - 07:27
المحور: كتابات ساخرة
    

يا آية الله اشلون آيه
تعتز ابحُديّد وبعبايه
*****************
يو تدري ابحديّد ولّه تدري
سافل سرسري لوّاط كفري
يشرب خمر في ليلة القدري
اويشتّم بالأيمّه والنبايه
************ يا آية الله اشلون آيه
او عبايه اللي إله شهره چبيره
عار اوخزي اولا بيه تصح غيره
خبيث اوتنبش الدوده ابحتير
يشري الدهن من كل صبي اشرايه
************* يا آية الله اشلون آيه
مشّيت القلم عالخيط والبيط
اوبين الشعب سوويت الخرابيط
او لحيتك سلّمته للزعاطيط
اطويله اعريضه سوويت الروايه
****************** يا آية الله اشلون آية
بشن إينجا نحچيهه ابصراحه
عوف الشيطنه او عوف الوكاحه
عليمن هلبواچي اوهلنياحه
على جونم على چلمة أغايه
************** يا آية الله اشلون آيه
نقشك بان حتّه انفضح أمرك
وشهاي الفضيحه ابتالي عمرك
نذر شرعي ابرگبتي من اظفرك
من وجهك أسوّي إنعال تايه
************** يا آية الله اشلون آيه
إي تُخمه حرومه چراهم چين
تعمل لجل امريكه بسم دين
چثيره اطلايبك تتخلّص امنين
متعفلق صرت شيخ الولايه
************ يا آية الله اشلون آيه
صدگ إنسان ولّه ثور مربوط
خلّيت الشغب بالشعب مخبوط
اولادك تگص وتفصّل القوط
اوهاي الناس أكثرهه عرايه
************* يا آية الله اشلون آيه
شجاك اتكشّر امنتشوف الاحرار
اوتهز بذويلك اگبال الاستعمار
سلب عقلك اوإيمانك الدولار
برادر إين حوالت أمريكايه
************** يا آية الله اشلون آيه
أريد أحچي اوياك ابغير موضوع
بلكت تفك عينك عله المجموع
ثلثين الشعب ميّت امن الجوع
ونته امغطّي راسك بلعبايه
************* يا آية الله اشلون آيه
اخريت اعله هاللحيه الجايفة اخريت
مطي سوّاك الاستعمار ورضيت
متگلّي عله يا مبدأ إفتيت
صارت فتوتك بس للمطايه
************** يا آية الله اشلون آيه
محاسيب او نواسيب او گرايب
هاي ابيوتهه الچانت خرايب
چنهه اقصور مبنيه عجايب
چرا دزّي بأموال البرايه
************ يا آية الله اشلون آيه
اخواچي ارفاع من ارفع الأسعار
قوط اشكال والمدفوع دولار
حدايق يانعه او اوراد وزهار
اوكل واحد اوقانصله گطايه
************* يا آية الله اشلون آيه
أعرفك گبل ما تطلع الشيبات
قذر جاسوس تعمل للسفارات
على الدولار تركض والجنيهات
اوبعد عينك تزرزر علزوايه
************** يا آية الله اشلون آيه
أريد أحچي اوياك ابقلم معووج
هذا الحًَگ يبن طرگة البابوج
تضرب برتقال اولحم فرّوج
اوآلاف التعيش اعله الگدايه
************* يا آية الله اشلون آية
ارسمت وحسبت كلشي بسم الاسلام
او اولادك تبوگ ابقوت الايتام
رجل ديني صرت لو شيخ خوّام
كل يوم اوشلت للحرب رايه
************ يا آية الله اشلون آيه
إلك يوم الجهل شاهد اومشهود
اريد اذكرلك امنيامك السود
أغا ليكون تنسه حجي عبود
يوم الطمّسه ابوسط الدوايه
*********** يا آية الله اشلون آية

كربلاء

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل