خطافة الدنيا - الشاعر مروان سالم

مروان سالم

الحوار المتمدن-العدد: 8237 - 2025 / 1 / 29 - 23:49
المحور: الادب والفن
    

جراية الدنيا ونتاشة
تلعب بالخلق وتتشاقى
تجرى فى حواريها
تلاقيها ... خطافة
ويمكن سراقة

لو تلحق فى السبق الجارى
هتكر فى ديلك وتجارى
ومعاها هتخسر .. تتكعبل
لو تلحق عمرك مش سارى
خطافة ويمكن سراقة
سراقة بتجرى وتتشاقى

تتمحك تخطف بسهولة
تمسكها تلاقيها شّغولة
ولا تعرف تخطفها وتجرى
سحّابة بايدين مسعورة
خطافة ويمكن سراقة
ان كنت حويط ولا حداقة
سراقة بتجرى وتتشاقى

تكدب تلاقيها كدابة
تصدقها تعمل صدّاقة
تضحك تضحكلك بسماجة
مخنوق تلاقيها الخناقة
وان كلبشت قوام فى ايديها
تغمزلك وبكل صفاقة
وان كنت حويط ولا حداقة
تلعب بالخلق وتتشاقى
خطافة الدنيا وسراقة

تخانقها تعاركك فى خناقة
تتهندم تأخدك بلباقة
هتشك طبعها شكاكة
يا تكعبلها بكل شياكة
يا هتخطفلك من ايامك
خطافة الدنيا وسراقة
وان كنت حويط ولا حداقة
بتلعب بالخلق وتتشاقى

الدنيا طبعها تتمسكن
علشان تهرسنا وتتمكن
لو ناسى مخها بيدكن
تطلع مسكين او متمكن
خطافة الدنيا وسراقة
تلعب بالناس وبتتشاقى
ولو كنت حويط ولا حداقة

#مروان_سالم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل