كاظم سالم
الحوار المتمدن-العدد: 7974 - 2024 / 5 / 11 - 08:04
المحور:
الادب والفن
عفيه الينوكل عل ونسه ماشين
مثل الملتهي بكتل الخنازير
كاعد الله جبيرة من ايدنه الصوج
حبسنه ارواحنه بنص القوارير
وانطينا ورد للجاينا يبوگ
ولاعز الناس ضمينا المگاوير
وصل يمنه السرة وما كلنا شنريد
ورجعنه بكيفنه لذيل الطوابير
موتنه الزرع وبحسرة الماي
وركضنه عناد جيمنه النواعير
كافي عيون نوصفها الاذانات
وكافي ارباح نحسبها المخاسير
ما نمشي بعد باللامبالة
والكلشي يصير نريد تفسير
ما ننطي بعد لكمتنه للغير
نخيط حلوگنا الجانت تنانير
ما ننغش بعد ونأمن الريح
واحنه بيوتنه سگوف العصافير
اليريد العطر يزرعله وردات
ما ينشم عطر من الشواجير
2020/7/12
#كاظم_سالم (هاشتاغ)
كيف تدعم-ين الحوار المتمدن واليسار والعلمانية
على الانترنت؟