عقدة التفوق

رشا مكرم

الحوار المتمدن-العدد: 7788 - 2023 / 11 / 7 - 18:28
المحور: العلاقات الجنسية والاسرية
    

كان في فيلم هندي هادف للمخرج العبقري عامر خان
إسمه نجوم على الأرض

..بيحكي عن طفل صغير عنده ٨ سنين بيعاني من صعوبات التعلم ، الخطأ في كتابة الكلمات وتغير اتجاهات الحروف من اليسار لليمين ، وعدم إدراك أبعاد الأشياء ، والصعوبة الشديدة في التركيز والتذكر وده بيسميه في علم النفس (الديسلكسيا ) او عسر القراءة.
و طبعا الموضوع ده خلاه دايما ضعيف و بيسقط في كل الامتحانات و كل المواد ..و باباه و مامته و المدرسين
كان نفسيته مدمرة وكل حد يكلمه ميردش باباه ومامته دخلوه مدرسة داخلية عشان يرتاحوا من مشاكله وكانوا مقصرين في زيارته وبيعاملوه بمنتهى القسوة ..و شايفينه مش نافع و فاشل .. و الولد تايه في الحياة ..مش لاقي حب و لا حنان ..مش لاقي تقدير و لا احترام
لغاية ما جه مدرس قدر يفهم ماله و يتعامل معاه و يفهم أهله مشكلته ..المهم الولد تعلق بالمدرس و لقى عنده الحب و الحنان و الاحترام و التقدير اللي ما كانش لاقيهم من حد...الطفل اتغير حاله و بدأ يتحسن دراسيا ..و ظهرت موهبته القوية في الرسم و التلوين😊 و فاز بالمركز الأول في مسابقة المدرسة للرسم و فوراً جري على حضن المدرس
وبكي وشكره
الفيلم ده بيجسد معاناة الأطفال في المدارس وف البيوت .. أطفال بمستويات و قدرات مختلفة ..و بتتعامل معاملة واحدة.. امتحانات واحدة ..مواد واحدة..بكل أسف 😔
بيجسد كمان دور المدرس ..اللي كان فاهم آنه بيأدي رسالة و بيربي و خلاص
الطفل محتاج لدعم وتشجيع عشان يقدر ينجح و يتخطى الصعوبات اللي بتواجهه في حياته ..❤️
واجب كل أب و أم يراعوا اختلاف قدرات ولادهم و ياريت حقيقي تقدروا إن نظام التعليم هو اللي قاسي و مش بيراعي الفروق الفردية ..
خليكم دايما السند و الأمان لولادكم .. و ياريت تفتكروا دايما إن علاقتكم بيهم أهم من التعليم و الدرجات .. تشوفوهم ناجحين و سعداء ..❤️
و ما تنسوش القاعدة المهمة .. العلاقات الإنسانية مع ولادكم أهم من الإنجازات. والدرجات والتفوق في التعليم لان كل ده بيتنسي التفوق والنجاح في حاجات تانية غير التعليم
.و أن كل الولاد جميلة ..زي النجوم في السما
ربنا يفرحكوا بولادكوا وتشوفهم نماذج صالحة وناجحة 🙏

#رشا_مكرم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات