مروان سالم
الحوار المتمدن-العدد: 7735 - 2023 / 9 / 15 - 03:15
المحور:
الادب والفن
مصرنا يا مصرنا
يا أمنا
وأم الشهيد
قلبك حديد
اوعِى تنسى دمنا
و اوعى تبكى زينا على " الشهيد "
أصل الشهيد
أصبح وليد
فى جنته
هو الوحيد
من دمنا
هو أكيد
من صلبنا
مش مصر أمه وأمنا
هو أكيد فرحان هناك
واحنا بنبكى لوحدنا
أصل الشهيد
إنسان مجيد
علشان مكافح زينا
لأنه عايز حقنا
علشان ضحى لاجلنا
ضحى لاجل ناس كتير
شاب أصيل
راجل كبير
أو شخص فى حيِنا
أو بنت من عرضنا
مصرنا يا مصرنا
يا أمنا
ياللى حملتي همنا
اوعاكِى تنسِى حقنا
#مروان_سالم (هاشتاغ)
كيف تدعم-ين الحوار المتمدن واليسار والعلمانية
على الانترنت؟