هدية عرس

فاطمة العراقية

الحوار المتمدن-العدد: 1724 - 2006 / 11 / 4 - 12:00
المحور: مواضيع وابحاث سياسية
    

شارع من شوارعنه ضحك فرحان بالزفه
علاوي وعروسه اليوم يجمعهم سكف واحد
صباح الخير كالت للوطن امه
وصباح النور ياوليدي
عرسكم بيه ومهنه
هله يمه وجهج هالصبح رايد اشمه
لان هو فرحة البيت
وبملكاه كل الناس ملتمه
ضحكت والشمس ضحكت وياهه
فرح عرسك يعلاوي
طلبته من الجليل ومنه اتمنه
ويوم العرس فرحتنه واحنه ننتظره
عروسك وردة البستان ضحكته
واخوك مزوك السيارة للزفه
واهل الطرف ملتمه
صغار اكبار وتهني
زفاّفه لابنج كنا هذا اليوم
نطش ملبس ونعجن الحنه
يخاله كالت الحلوه
ركصتي الليله عالهيوه
حلفت والله لقدمه هديه
لعلاوي اخوي النشمي والامه
واجه موكب الزفة وكل المحبين
وكفت للعروس وطلعت من البيت
ودخل ابن الردى بوسط هاللمه
مدفوع باجور الكره والعدوان
وفتح نار الحقد وفجر اليمه
اطفال اتناثر ليش ياهلناس
وكل واحد منهم تحنَه بدمه
ودموع الفرح تنزف وية العبرات
علي وينه وعروسه وحفلته وامه
علي وينه وعروسه وحفلته وامه



فاطمة العراقية

#فاطمة_العراقية (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل