دروس في الحياة

رشا كرم

الحوار المتمدن-العدد: 7465 - 2022 / 12 / 17 - 22:10
المحور: الادب والفن
    

حاجات كتيرة لازم نفهمها صح

وماننساهاش
مافيش حد في الدنيا كامل
كلنا بنغلط بس بدرجات
مش كل مرة انت اللي تبادر وتعتذر لأنهم دايما هيشوفوك غطان حتى لو مش غلطان
الناس بتشوف أخطائك لكن مبتشفش حزنك
الصحبة مش بعدد السنين
نص صحابك مش هيقفوا جنبك إلا وقت الصورة
الوعود مالهاش شهادات ضمان
عشان كده الكل بيوعد و90% مش بيوفي
والكلام ماعلهوش جمرك
والمشاعر سهل تتمثل
الإهتمام عمره ما كان بيتشحت
ولا ينفع يتشحت ومش حلو أبدا إنه يحصل بعد ما ينطلب
العتاب مش قلة كرامة بيبقى غلاوة بس مع الشخص اللي يستحق
البخل مش ف الفلوس بس البخل مشاعر واحتواء واحترام وكلمة حلوة وتقدير ومساعدة
الحب مش كذبه
إنت إللي ما لقيتش حد كويس
وما لقيتش إللي يحبك زي ما بتحبه
ماتثقش في حد في بداية علاقتك معاه
كان ملاك لأنه أغلب البدايات خداعة
استنى المواقف والظروف واحكم
الكلمات الجميله حاليا أغلبها سم مغلف
ف لازم تخاف من الكلمه الحلوة
لان 90 % وراها مصلحة
ومافيش حد غالي عند حد
احيانا التجاهل بيبقى اريح من انك ترهق نفسك مع ناس عاملة زي لوح التلج
الحياة ماشيه بيك أو من غيرك
فركز في نفسك عشان هي اللي بقيالك
الفلوس مش كل شي بالدنيا
ولكن مهمة في حياتك جدا
فيه حاجات لما بتفضل بعيدة بتفضل حلوة
وفي حاجات لازم تقرب منها عشان تشوف حلاوتها
أغلب الناس بتخاف من نظرة الناس
ومن كلمة عيب أكتر من كلمة حرام
الحاجه بتتنسى لو إنت عايز تنساها
كل اللي قالوا الزمن بينسيك الماضي ضحكوا علي نفسهم
الزمن بيلهي ومش بينسي
بياخدك من أي حاجة حصلت
بس وقت الجد بتلاقي نفسك فاكر كل شيء
وبتعاتب في نفسك
ماحدش بيموت من الحب
بتتعب فترة بس مع الوقت بيخف كل حاجة
الجدع هو اللي بيوقف مع الناس كلها
ولما بيقع بمصيبة بتلاقيه واقف لوحده
الوقت بيعدي بسرعه بس مش للى بيستنى
اشتغل ع نفسك عشان تبقي إنت الواسطة
كتر التجارب بتعلم القوة

واخيرا مش ضروري تفهم كل حاجة

لأن أوقات كتر الضوء بيعمي

والتدقيق ف التفاصيل مرهق نفسيا

#رشا_كرم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل