ابو أرنب..!!

طالب الجليلي
(Talib Al Jalely)

الحوار المتمدن-العدد: 7336 - 2022 / 8 / 10 - 22:10
المحور: كتابات ساخرة
    

ذيچ السنه ..

وصلوا مشاية زيارة الاربعين للحله .. تلگوهم الناس ايضيفونهم وكل خزله اخذوهم جماعه للبيوتهم تقربا للإمام الحسين سلام الله عليه .. أكو واحد لگفله ازلمه ابهذاك الترحاب ؛ ياهلا اويامرحبا .. يلله وياي .. لگى الغرفه امرتبه اشلون ترتيب والبخور وريحة ماي الورد اتفوح والفراش ممدود … انمد السماط وانملا بانواع الأكل والفاكهة .. ولك وين چانت مضمومه هاي النعمه !!؟ نص الليل تمدد على ذاك الدوشگ ! إجاه المعزب وگالله يلا اخوي !! شنهي خويه ؟! يلله اشتغلك !! عمي گول غيرها ..! يابه انا امتاني ومرتب الامور وكل سنه الحسين يرزقني ابواحد مثلك واذا ماترضى امحضرلك اچلاب اثنين ايمرعدنك اتمرعد ودفنك ابهذاك البير ولامن شاف ولامن سمع …!
المهم ثاني يوم راح ويا الزوار مكسور الخاطر وخاف ايزور الحسين ظل خارج الحرم ورد لهله …!
ظل امدوهن وخايف ويوم امن الايام نشد صاحبه : اگلك الذكر هم يحبل؟! صاحبه نغل افتهم السالفه ! گالله طبعا حاله حال المره ! .. چا اشلون بصرني ! گالله يوميه الفجر روح للزوره اوگمز بيها حتى لا ايشوفك احد بلچن لنه طايح منك !
المسكين گام رايح راد ويگمز .. فد يوم طفر من يمه أرنب مذعور ! صفن عليه اوصرخ : روح لبوك بالحله ..! ايا منعول الوالدين ، اذانه واگفات چنهن اذان ابوه !

سالفة العِراق وسالفة علي غلام والشركات الأخرى ( لأصحابها ) سالفة ابو أرنب…

اللهم حسن العاقبه …

#طالب_الجليلي (هاشتاغ)       Talib_Al_Jalely#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل