الى شبيبة تشرين الأبطال

maison alromi

الحوار المتمدن-العدد: 6912 - 2021 / 5 / 29 - 16:22
المحور: الادب والفن
    

ميسون نعيم الرومي

خوات الأخوة يابنات - عزم تصميم اوثبات
ليلو الماس اوجمال - قداح جوري او نبات
ارجال چنهن بالشجاعة - شرف عفه امصنصلات
لبوه وحدتهن عنيده -ع الشــدايد قادرات
ايد بيد اويه اخيهن – عزَّه اوكرامه امعدلات
جيل صاعد چن حديد - انتفض، مل السبات
قرر ايحرر وطنه - ينقذ اهله امن الطغاة
بيكم الدنيه نباهي - نفتخر احنه الأمهات
يا شبيبه الوطن غـَـنـَّه - فرح دجله والفرات
اخضاضه صار الماي بيهن - انباع سكته امن الحفاة
والنخـل بادوه كله - ابكل وقاحه هالعتاة
يا جرمهم يا جبنهم - كتلوا اولاد الصابرات
شهداء الوطن كثرت - كمر يحضن ابنجمات
*(محمد) المغدور ويلي - ابحلگي تتعثرالچلمات
وطن بيه القتل حرفه – بيه البيوت امكدرات
دمكم الطاهر ينادي – يطلب انصاف الحياة
الوطن منهوب كله – (بغداد) يم النائحات
منظمات اتواطأت ليش - والدول كلهه امغلسات
سارق اومجرم كتلنه - نشكي المن يا بنات
يا شبيبه يا أملنه - ولد بابل والحضارات
يشهد التاريخ الكم - بالشجاعة اوالثبات
خوات الأخوة يابنات - عزم تصميم اوثبات
------------------------------------------------------
*محمد جاسم:-شهيد تظاهرات 25/آيار2021
مواليد2003 ابن الديوانية قتل في ساحة التحرير
-----------------------------
29/آيار/2021
ســــــــــــــــتوكهولم

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل