كيف تْجيبْ لحالكْ البَهْدَلَةْ ..بخطوة واحدة ؟؟

كامل النصيرات

الحوار المتمدن-العدد: 1615 - 2006 / 7 / 18 - 12:14
المحور: كتابات ساخرة
    

أكيد إذا جلدك يحكّكْ وحاب تتبهدل عَ الأصلي ..رح تفكِّر بطريقة استفزازيّة..كأنْ تصفّق للحكومة وقت ترفع الأسعار ..!! بس لا تخاف ما حدا رح يبهدلك ..!! أو إنّك تضحك ضحكاً مدويّاً في بيت العزاء ..أيضاً لا تخف ..ما حدا رح يستجري يسمعك كلمة تخبِّثْ خاطرك ..!! وقد تعتقد بأن أفضل طريقة للحصول على بهدلة عليها القيمة ؛ وشاملة للبصق والمسبّات إللي تخلّكْ تْمَخْمِخْ عليها آخِر مخمخة ؛ هي أن تتحركش بامرأة لابسة جينز أبو خطّين ( أمِلْشِنْ أبيض ) ..!! أيضاً لا تخف ..فالأملشن الأبيض وُضِعَ على الجينز أصلاً ؛ لتسير عليه يداك اللاهثتان الراجفتان من فوق لتحت ..أو من تحت لفوق ..!!
إذن ..أنت الآن في تمام الحزن يا صديقي ..تريد أن تتبهدل وما حدِّشْ راضي ( إيْآجِرْ ) في بهدلتك ..وإنت زلمة تعودت على البهدلة ؛ بس الوضع العربي ( تَمْسَحْ ) عَ الآخِرْ ..وهذا لم يكن بحسبانك ..!! لا عليك ..لا عليك ..فقد اخترعتُ لك طريقة ..رح تتبهدل فيها وتفرِّق على أحبابك وأصحابك وممكن تصدِّر لبرّا كمان ..!! بس بدّي وعد منك يا ( أبو الحمارات ) أن تذكر في مذكراتك أن هذه الطريقة هي من اختراعاتي ولم أسرقها من أي وضع عربي كان ..!! اتفقنا ...؟؟ ممتاز ممتاز ..يا الله الآن ع البهدلة يا مْبَهْدَل ..:-
روح دبرلَكْ بدلة عسكرية يا صديقي العربي ..واحرصْ على أن تكون برتبة عالية ..مش أقل من عميد وطالع ..ضعْ أكبر عدد ممكن النياشين ..طبعاً مش شرط تكون نياشين حقيقيّة ..لأنها بالتأكيد مش حقيقية ..واحضرْ معك خارطة للوطن العربي ..وضعْ تحت إبطك عصا عسكرية ( زي إللي مع المايسترو تاع القرف الموسيقي ) ..امشي مشية إللي شايف حاله ومش مصدّق..انفخ صدرك قد ما تقدر ..و توجّهْ فوراً إلى المؤتمر الصحفي الذي ناديتَ لانعقاده ..!! افردْ خارطتك ..وامسكْ عصاك الخبيثة جيداً ..كشِّرْ ..وأوعى تفلتْ منّك بوادِر ابتسامة ميّتة..أكثر من التأشير بالعصا على الخارطة بداعي وبدون داعي ..تحدّثْ بكلام كبير كثير كثير ..ولازم يكون ما حَدْ فاهمه ..!! أكثِرْ من المصطلحات إللي هيَّ ..مثل ( اللوجستية ..الطوبغرافيا ..الحرب النوعيّة ..وغير ذلك ..) ..!! المهم ..لا تخلي حدا فاهم إشيْ من شرحك ..واختمْ بالجملة التالية ( عشان هيك ؛ معركة حزب الله خسرانة ..وتعتبر مغامرة ..ولازم الحزب يرجِّع الأسرى لأسرائيل ..ويسكِّر هالطابق ..بلا حرب بلا كاتيوشا ..بلا حيفا بلا طبريا ..) ..!! عندها فقط ..أضمن لك البهدلة ع الأصلي من بصاق وسباب ولعانة والدين ..ليس من الصحفيين في المؤتمر فقط ..بل من أمّةٍ كاملة ما زالت تتعطّش لبكاء اسرائيل ورؤيتها تختبئ في الملاجئ ليل نهار ..!!!
شو رأيك بهيك بهدلة ..تقدر تسلٍّك حالك فيها أكمن يوم ؛ لحد ما أدبّرلَكْ بهدلة ثانية طويلة الأمد ..!!!

#كامل_النصيرات (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل