عادل ناشد حنا
الحوار المتمدن-العدد: 6694 - 2020 / 10 / 4 - 13:39
المحور:
الادب والفن
وحشانى مصر الطيبه..
يا حته منى قريبه
كل شارع..كل جامع..
كل صلبان الكنايس...
بينادوك....
كلهم عايزين سلامتك
أصل فى قلوبهم شالوك..
فين شوارعك..؟
فين حواريك الاصيله.؟
فين صبايانا الجمال..
والعيال فوق النجيله..
يركبوا المرجيحه مره..
ومره تانيه عل الحصان..
يجروا على الزفه ف حارتنا.
ويا زغاريد الجيران..
انت الامان..
وأجمل مكان
وبيت كبير بيضمنا..
والحمام طاير فى غيه...
فوق بيوتنا وسطحنا..
عايشيين فى دفئ حضنك
علشان يامصر حنينه..
انت فى قلوبنا الامانى..
لو فضلت العمر حاضنك..
حتفضلى وحشانى.
#عادل_ناشد_حنا (هاشتاغ)
كيف تدعم-ين الحوار المتمدن واليسار والعلمانية
على الانترنت؟