المداس

إحسان العيد

الحوار المتمدن-العدد: 6377 - 2019 / 10 / 12 - 14:06
المحور: الادب والفن
    

گِضت وتعَلّبت وتظَرّفت ونخِتمت ابتوقيع فرخ ابليس
تاهت قافِلَتنه ونام حادي العيس
ونشال النَعَش وتطايرت لرواح
ونغسلت الگاع امن الدِمايه وعِرَگ وجه الجّير
والظلّت جسر مفجوع
إنترنيتنه مگطوع
باكيت اكلنس إشتهر ب انجازه
بطل ببسي انخنگ ابعبرته وغازه
وحسافه ماتت الخطوه وجفاهه السّير
بومه او وحشه صارت والصخام ايطير.
اهناك صبّه وطف شباب وصوت خيل
وتاير امدَخّن ابصَدْر الليل
شايب شال راية وشرح معنى الحَيل .
شفت الجامع امّدد نَعاه الدير
شفت (احسين) تركوا وحّدَه
ايدوّر عله اهله ابساحة التحرير .
مدري احنه الذّبحنه، مدري مذبوحين
مابينه سُلَيمان اليفكلك مَنطِقك يَطّير؟
حيره ابهل زمن حيره
او وطنّه اعتقد مو هوّه
نفوه استوردو غَيره
ويگلّك نعم:
صار احچي كيفك والتريده
وماكو شَيْ ايصير !
چِنّه ابلاوعي من قشمرونه وبنّجونه ابلعبة التغيير
هاي قصّتنه وأجيك امن الأخير
إحنه صَدْگوني ترى موخوش ناس
والله تردون الصدگ .. مو خوش ناس
وبينه لِعبَوا أحله داس
او واجب ايضربونه عفوًا، بالمداس
لأن لفّينه القضيّه بالحصير
ورِحنه ذبّينه إخونه الوگف ليّه وليك
بَ اقرب بـيـر.

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل