من أدب الطفل

على السيد يونس

الحوار المتمدن-العدد: 6352 - 2019 / 9 / 15 - 01:28
المحور: الادب والفن
    

لحفيدي مازن وحفيدتي أميرة وسائر الصغار، وبعض الكبار :

الوزة بيضة بيضة
منقارها لونه أصفر
رجليها لونهم أصفر
الوزة باضت باضت
السبت أول بيضة
والحد تاني بيضة
والاتنين تالت بيضة
لما عددهم بقى تسعة
حضنتهم ماما الوزة
وف مرة جت حداية
حداية سودة سودة
سابت بيتها ع الشجرة
باضت بيضة ع الأرض
مع بيض الوزة البيضة
آه منك يا حداية
مش حابة تشيلي الشيلة
الوزة قالت : " ايه دا؟
البيضة دي مش مني
لكن عجباني جدا
هاحضنها ويّا ولادي
أولادي صبحوا عشرة
من بعد ما كانوا تسعة"
حضنتهم ماما الوزة
أيام وليالي طويلة
وف يوم ساعة صبحية
كتاكيتها كسروا بيضهم
خرجوا بنشاط وسعادة
يا حلاوة الدنيا ونورها
التسعة لونهم أبيض
والعاشر لونه أسود
التسعة نزلوا المية
والعاشر ما رضيش ينزل
ندهوا له التسعة وقالوا :
" يلا انزل عوم ويانا "
العاشر قال : " سامحوني
ما أقدرش أعوم يا جماعة"
التسعة زعلوا منه
وقالوا له: " لونك إسود
وكمان مش راضي تعوم
يلّا امشِ يا شاطر و ابعد
عمرك ما حتبقى معانا"
العاشر راح للوزة
وعنيه مليانة دموع
وحكى لها ع اللي قالوه
الوزة قالت للتسعة :
" أنا زعلانة منكم جدا
العاشر واحد منكم
كلكم اخوات وحبايب "
وف مرة جاعوا جدا
بصوا على شجرة عالية
ثمراتها زي السكر
الوزة وهي بتضحك
سألت أولادها العشرة
" من فيكم يقدر يطلع
ع الشجرة ويغدينا؟ "
التسعة حاولوا يطيروا
لكن مش ممكن أبدا
العاشر بص لمامته
وعنيه مليانة محبة
ضحكت له وقالت:" يلّا
رفرف بجناحك يااسمر "
طلع الأسمر ع الشجرة
وقطف إحداشر ثمرة
اتغدوا ويا مامتهم
وقالوا له شكرا شكرا
يا جميل يا حليوة يا أسمر

#على_السيد_يونس (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات