طارق التريري
الحوار المتمدن-العدد: 6334 - 2019 / 8 / 28 - 13:44
المحور:
الادب والفن
لحيه وجلباب قُصير
ويكون صوتك تخين
وسواك باين وطالع
من جيبك ع اليمين
مع عطر يكون مهفهف
وتكحل فى العينين
وتغُض الطرف دايماً
عن حال المحكومين
وتقول الصبر لازم
وتلمع فى اللعين
وتساير أى حاكم
وتوطيلو الجبين
تصبح شيخ المشايخ
وإمام المُخبرين
تفتيلنا ف أى حاجه
إلا ف حالنا اللى طين
وتقول ممنوع خروجنا
على سُلطانا الأمين
رغم ان لا فيه إمانه
ولا يعرف مؤمنين
لكن رد الجمايل
وهواك للمسؤلين
خلاك رمز الديانه
وأمير للمُدمنين
عُشاق نكره حياتنا
نُخرُج من أى دين
إلا الدين اللى عاشق
حُكامنا المُجرمين
يُأمرنا بصبر دايماً
وانتا وهُما الحقيقه
وانتوا الوحى الأمين
#طارق_التريري (هاشتاغ)
كيف تدعم-ين الحوار المتمدن واليسار والعلمانية
على الانترنت؟