من شعر العامية المصرية - تخيل ! لو مافيش عربي

طارق التريري

الحوار المتمدن-العدد: 6331 - 2019 / 8 / 25 - 17:48
المحور: الادب والفن
    

تخيل ..
فجأه اقوم م النوم
مافيش فى الكون ولا عربي
دى جنة ايه ياعم الحج
وايه دا السعد ياربى
مافيش ظالم مافيش مظلوم
وناس مشبوحه فى الحربي
ولاكفره ولافُجار
ولا حد فى بنات يسبى
ولا تافه بنسجُدلو
زعيم ومشارك التُربي
رصيدو تجارة الاعضاء
و سادي بس متخبى
ورا سبحه ورا ركعه
ورا شيخو اللى مستغبى
عاملو دين على قدو
وبرضو مشارك التُربي
تخيل ..
فجأه اقوم م النوم
مافيش فى الكون ولا عربي
لافيه شاتم ولا مشتوم
وكلو كيوت ومتربي
ولو حصل اختلاف بينهُم
ب يتعاتبوا عتاب بمبى
مافيهش يلا ياكافر
ولا منافق ولاسلبي
ولا ثكلتك يوم اُمك
ولا صادر بيان حربي
ولا أصلك ولا فصلك
ويختلفوا اختلاف ادبي
لا فيه فيزيا ولا كيميا
وجركن كُلو متعبي
ب بارودو ب بنزينو
وكُل الحقد ياغُلبى
تخيل …
فجأه اقوم م النوم
مافيش فى الكون ولا عربي
ادى الأقصى رجع تانى
ب عُصبة بس ياربى
لافيه نُخطُب ولا نشجُب
وهوا فى بيتو متخبي
وخايف ل اسرائيل تزعل
تذيعلو شريطو ب البمبى
فى لحظة صدق كان ممحون
وكان من تحت ياغُلبي
ولابس ب الاماره فيزون
ودكرو يقوللو ياباربي
علينا كان صلاح الدين
وادينا عرفنا يامخبى
وادينى قُمت اهو من النوم
وب اتفرج على باربي
ب يُخطب ناوي يغزو الروم
واهو اتحول ل ابو العربي
ولا حراميه ب تعبى
وتسرقهم بكل سرور
وتلقى الكُل مستغبى

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل