من شعر العامية المصرية - بالدور ياعرب بالدور

طارق التريري

الحوار المتمدن-العدد: 6329 - 2019 / 8 / 23 - 09:03
المحور: الادب والفن
    

- بالدور ياعرب -
بالدور ياعرب بالدور
راكعين وادخُلوا الطابو ر
بالوعد اللى جوا كتابكُم
والدايره عليكو تدور
واهو دار الزمان وركبنا
وبنينا عليكو السور
وح تيجى الرؤوس مطاطيه
وح ييجى الجميع مجبور
وح يُطلب كمان نشفعلو
لوقرب عليه الدور
أو طلبت جنان من شعبو
أو هدد وقال ح نثور
بالدور (يازعيم ) بالدور
راكعين وادخلوا الطابور
وم الزحمه ح نعمل قُرعه
والفايز عليه الدور
ويشرف يقابل نينو
يتونس معاه بسرور
يتقابل مع ولاد عمو
وتدور كوبايت بنور
وشرابها اللى فيها مصفى
من دم العيال والحور
والناس اللى ماتوا ف غزه
والنكسه وزمن البور
والزمن اللى جايب أخرو
وكلابو وشهادة الزور
عن ان الجهاد مُش وقتو
دلوقتى المُهم نزور
نتوس بقى بالنينو
ونخلى اللى فات مستور
ونزورك ياتُربة جولدا
وناخُدلك معانا زهور
ونعود بالصكوك مختومه
ح نكمل بكُل سرور
راكبين فوق دماغها شعوبنا
وبنحلم مايجى الدور
على كلب ابن كلب ب ينبح
أو يهتف تعالوا نثور
وتعادى اسرائيل ! بالجزمه
وتعادى اسرائيل مضرور
حتقوم تلقى نفسك قالع
ب ننشن عليك بالدور

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل