متغربين ..... سارة زيادة

سارة زيادة

الحوار المتمدن-العدد: 6314 - 2019 / 8 / 8 - 17:34
المحور: الادب والفن
    

متغربين

أحلام جليد
.......وسنين جليد
إحساس بموت بتجدِّده
دمعة ندم
ساكنه ما بين الذكريات
كنا زمان عُشَّاق
متجمعين بين الحقيقه والصور
شباك على البحر اللي عاش أحلامنا دوامة فراق
معرفش ليه الدنيا بتعادي البشر ؟
صبار وفارد ضمته اشواك
ينهش ف بوحنا ويخنق الاحساس
يحضن قلوبنا بقوه يجرحنا
يغرز سنان الشوك
ننزف وجعنا بالبطىء
ليه الحياه مش ثابته على لونها
حيَّه بتسلخ كل يوم في جلدها
وترميه بعيد ؟!
وف كل يوم
بحسّ جرح قديم أوي
وكإنه لسه جديد .. عنيد !!
مش راضي من سكرة جراحي يوم يفوق
وأنا قلبي كان زي الفراش
محتاج لضوء
انا اللي طله روحي كات بتشق جوف الليل
يطلع نهار
جوايا عتمة قبر
تشرب ف روحي
تنهشني
وكأن قلبي بين عجوز مستني رحمة ربنا
وبين غريق في الضلمة بيعافر
رافع كفوفه للسما
يتمنى ترجع له الحياه

سارة زيادة

#سارة_زيادة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل