محمد أمين خيرالله
الحوار المتمدن-العدد: 6265 - 2019 / 6 / 19 - 09:47
المحور:
الادب والفن
هو هيچ
بطرگ روحي راح ابقى
و الأذية تميت بيه
و الغيوم
فوگ راسي كلها تبقى تسد عليه
و بس باكيت الجگاير بين اديه
و البقية
ثلج ذايب بين ايدي
و الهموم أحسها تشگگ نص وريدي
و بين شغلة و بين فكرة
اني عالگ بين ذكرة
و الجروح السكنت بگلبي
سوت حفره
و اني احاول الگه عبره
هي هاي الدنيه هيچي؟
لو مرض جاني من ايدي
و الافكار
خلصت موسم زرعها
و بده موسم
و نزرع سم
و الحواصيد حصدت
راح موسم و اجه موسم
و من يومي اني اتسمم
و انتظر لحظات موتي حته اگول
أفرحو أفرحو و خل اغني دگو دگو عل طبول
راح اموت
و راح اخلص
#محمد_أمين_خيرالله (هاشتاغ)
كيف تدعم-ين الحوار المتمدن واليسار والعلمانية
على الانترنت؟