سوسن رمضان
الحوار المتمدن-العدد: 6213 - 2019 / 4 / 27 - 04:42
المحور:
الادب والفن
ذكري
*******
بطّل تنادي عليا
بطّل تقول اسمي ...
لسة الوجع فيا
منقوش علي جسمي..
ِِلِساني مش ناسية
انك جرحت وخُنت
وغدرت يوم بيا
ابعد خلاص وانسي
مبقاش في عندي كلام
سيبني بقي لوحدي
وانا مني للايام ...
يا انساك واعيش عادي
وتكون يادوب ذكري
اكتبها بدموعي
موال وكام غنوة ...
يا ارجع وقلبي كفيف
بينادي يا بكرة
افتح لنا السكة
وامسح دموع الروح ...
ده العشق داء واعي
يعرف دوا المجروح
ويضم ويساوي
بين اللي قلبه عليل
والجارح القاسي ...
يعني انت لو جِتني
وحلفت بحياتي
اني الامل والمُني
وانك صحيح آسف
قلبي يحن اوام ...
وينام يقوم ناسي
كل اللي كان واتقال
يحلف بضي عنيك
ما يحب يوم غيرك
والبعد كان.. فكرة
صبحت يا دوب ذكري .....
#سوسن_رمضان (هاشتاغ)
كيف تدعم-ين الحوار المتمدن واليسار والعلمانية
على الانترنت؟