قلبي اليتيم قصيدة للشاعرة نور الهدى على

نور الهدى على

الحوار المتمدن-العدد: 6211 - 2019 / 4 / 25 - 14:26
المحور: الادب والفن
    

طبطب على قلبي اليتيم
رجع له إحساس الأمل
جايز حياته تستقيم
ممكن أكيد أو محتمل
يرجع يدق
وف يوم يميل
ويروق ويحلاله الزمن
تهدى حروف المستحيل
يكفر بإحساس الملل
يظهر شعاع النور هناك
ينده عليك
ويمد إيده يحضنك
ويداوي جرح بيألمك
ولو زادت شروخ قلبك
يلملمها هدير حبك
سلام من قلبي لعيونك
يكون واصل مدى قلبك
بيدعى لجل ما تقرب
ف يوم العيد
ويبقي الحلم م الاول
حقيقة تزيد
وتظهر زي عين الشمس
تردد كل ليلة بهمس
صدى اسمك
رنين أسمى
فيكتب حرفك الاول
على صدرى
يغازل مره ف عيونك
واكون ملكك ومجنونك
تكون لي العقل والحكمة
يعود الامس من تانى
يدور وسط احلامى
يشوفك بس ف الذكرى
يأنب قلبي على حبك
واعود من تانى أشتاقلك
وتعلى فى السما سيرتك
وارسم بالحنين صورتك
ف ينزف وجعي من تانى
وعمره ف يوم ما كان جاني
تملى ضعيف ومجنى عليه
تقولش الحزن عاشقنى
لابس توبي
اللى مزعته عشان افرح
ويرسم دمعة ف عيوني
ودمعي من الوجع يجرح
واعود تانى افكر فيك
وف عيونك
الاقينى باسيب الكون وجيالك
عشان تحمينى ف احضانك
يعود الفرح من تانى
يقول جايز يقول ممكن
اكونلك عمر من تانى
واكتب فوق سطور عشقي
حروف أسمك
تنور جنب عنوانى
انا الشاريه للحظه فرح
انا القادرة على الاحزان
وانا اللى زمانى راح يرجع
ويعلى صوتى من تانى
واعلنها امام الكون
انا حبيت

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل