أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - كتابات ساخرة - نشوه مصطفى درويش - متحرش؟ واهبل؟















المزيد.....

متحرش؟ واهبل؟


نشوه مصطفى درويش

الحوار المتمدن-العدد: 5781 - 2018 / 2 / 8 - 14:53
المحور: كتابات ساخرة
    


أكيد طبعا فيه ناس كتير كتبت عن التحرش والمتحرشيين عشان كدة الكلام المرة دي هيكون من زاوية مختلفة عن منطق وعقلية المتحرش من خلال المجالات المختلفة اللي ممكن نقابل متحرش من خلالها

اولا متحرش المواصلات

المتحرش الأهم والاكثر انتشارا وشهرة في أدبيات وثقافات التحرش لكن للإنصاف مش اي مضايقة او احتكاك ممكن يكون المقصود بها تحرش ممكن فعلا يكون مش قاصد تعرفيه ازاي ؟بمجرد ما تلفتي نظره هيعتذر وهيستجيب بالظبط ذي ماتطلب من اي حد طلب عادي في المواصلات ذي لو سمحت ممكن تفتح الشباك ؟ لو سمحت ممكن تعديني؟ عادي جدا ومش هياخد الموضوع بشكل شخصي كأنك شتمته بوالدته واتهمته في اخلاقه ونزاهته و اعز مايملك

النوع التاني في المواصلات وانا شخصيا بعتبره اصعب انواع المتحرشيين اللي هو المتحرش النطع . التحرش عنده مش هدف في حد ذاته بس هو مخلوق انوي حقير احادي النزعة منزوع البصر والبصيرة الحيز الاكبر من الفراغ اللي بيحبه يشغله دايما حيز افقي واخد مكانين ومخمس في التالت ومش فارق معاه بقي اللي قاعد جنبه راجل ست طفل مسن مراهق مش في دماغه ولا في باله ومبدأه في الحياة انا وراخمتي وحمد الله على سلامتي

بس معلش ممكن يكون مريض عنده تسلخات مثلا او رياضي وبيدرب على فتح الحوض هنحاول نفترض حسن النية

النوع التالت بقي الراس الكبيرة زعيم المتحرشيين الملهم الاب الروحي دة التحرش بالنسباله مش بس سلوك دة اسلوب حياة تعرفه منين تلاقيه وهو بيتحرش -اي كان ايه هو نوع التحرش- باصص الناحية التانية دة الدليل الدامغ بالنسباله الذي لايدع مجال للشك انه مش قاصد الجميل في الموضوع به لما تطلب منه بمنتهي الذوق انه يبعد او يوسع الردود والاجابات ماشاء الله نموجية وثابته مابتتغييرش ذي ورقة البوستة لو شاب يقولها انا هبصلك ليه انا راجل متجوز او انا عندي اخوات لو راجل كبير في السن يقول انا معايا قدها

لوالبنت عادية او بسيطة الرد النموذجي بقي بالنسبالهم امال لو حلوة شوية او هبصلك عل ايه

ساعات بحس ان الناس دي من كوكب تاني موازي الراجل المتجوز فيه واللي عندة بنات او اخوات مرفوع عنه القلم فوق مستوي الشبهات معاه شهادة معاملة أطفال والبنت اللي مش جميلة عندهم مش بيعتبروها بنت اصلا بيعتبروها كوميدينو مثلا فمش طبيعي حد يتهمه انه بيتحرش بكوميدينو

ثانيا متحرش الشارع دة بقى المتحرش الشاعر المتحرش الفنان دة التكنيك الاساسي عنده تحرش لفظي ولازم يكون الكلام له قافيه كدة ومشاعر راقية

(مصلحة ولا مروحة)

(اموت انا واعيد السنة)

(متيجي ونجيب مليجي)

واحيانا وعود براقة

(اتجوزيني وانا اغسلك المواعيين )

نزلتي من البيت ومشيتي في الشارع ركبتي المواصلات ووصلتي الشغل اخيرا بسلام وربنا ستر الحمد لله بدون اي خسائر في الارواح الحمد لله الف حمد الله علي سلامتك

ماتفرحيش اوي كدة ياختي التقيل لسة جاي ورا

ثالثا التحرش في الشغل

المتحرشين في الشغل تحرشهم له ابعاد ومنطق مختلف تحسي انه عميق ومدروس كدة مش عشوائي ومش نماذج ثابتة ومتكررة ومملة ذي تحرش الموصلات لا فيه تنوع علي حسب السن والمستوي الوظيفي اللي عايز يضحك ويهزر اللي عايز يعطف ويلطف اللي عايز يحكي ويفضض اللي عايز يبص ويمللي عنيه ويتفرج لا مستوي عالي وفيه تخصص وتقسيم عمل كدة

وبعدين متحرش الشارع دة متحرش تافه عادتا بيتحرش بيكي عشان شكلك ومظهرك لكن متحرش الشغل بيتحرش بيكي لشخصك

تعبنا واتبهدلنا في الموصلات والشغل وطلع عنينا عشان نتلاشي الانواع الحلوة دي نروح بقي ونريح شوية ونقعد علي الفايس والسوشيال ميديا وندخل عالم التحرش الافتراضي ودة بقي

رابعا التحرش الاليكتروني

الطف متحرش متحرش كوميدي كدة ودمه خفيف من اول مايبعت اد ويقولك انا مش بضيف بنات والله بس لفتت نظري صفحتك وحسيت اننا قريبين وعايز اتعرف عليكي او ضحتكتك على كومنت في جروب حلوة اوي سحرتني وعلي فكرة هو مش بيعاكس والله لاتفتكري انه متحرش ولا حاجة هو كمان من ام الكوكب المجهول دة اللي عايشيين فيه المتحرش في الكوكب دة شخصية واضحة وصريحة وهيقول انه متحرش فطالما قالك مش بعاكس ييقي خالص ايه مالك شاكة في ايه ماهو قالك انه مش بيعاكس فيه متحرش محترم بردو هيكذب مثلا معروفة المتحرش مابيكدبش

وبعدين شبه متحرش الموصلات بردو عنده نماذج اجابة ثابتة مابيحبش ييدع او يجود تقوليله معلش انا مش بضيف حد مااعرفوش يقولك طب مااحنا بنتعرف اهو ياسلام على المنطق مبهر ومقنع بجد

اخيرا احب من خلال المقال دة ابعت 3 رسائل مهمة

اولا للمتحرشيين

انا مشكلتي مش انك متحرش عادي دي خلقة ربنا عيب خلقي مرض اعاقة عادي اللهم لااعتراض بس بلاش الردود المستفزة الحمضانة بتاعتك دي والنبي تجدد شوية حاول تبدع خلاص يا اخي بجد زهقنا اقعد مع نفسك شوية وفكر في مبرارتك ودفاعك بذمتك انت مقتنع باللي بتقوله دة؟ماتبقاش متحرش واهبل

الرسالة التانية للبنات

اعتقد ان التحرش ذيه ذي كل المظاهر السلبية في المجتمع المتحرشيين ذي الشحاتيين والحرامية والمجانيين وظروف البلد الصعبة والضيق اللي الناس فيه اعتقد له علاقة بانتشار الظاهر دي

اللي موافقة معايا ان ظاهرة التحرش زادت اليومين دول والموضوع زاد عن حده تيجي جنبي هنا وتخبط لايك

الرسالة التالتة بقى بوجهها لشباب ورجالة بلدي الجدعان

اللي لما بيلاقي بنت في زحمة بيستنى لما تركب الاول ومش بيزاحم

اللي لما بيلاقي بنت راكبة جنبه في المواصلات مش بيزنق عليها وبيحرص ان يكون بينهم مسافة عشان مايضايقهاش

البياع اللي لما بيلاقي بنت في زحمة في اي مكان بيمشيها الاول

سواق الميكروباص اللي لما بيلاقي بنت هتركب او هتنزل بيقف ويستنى عليها ومش بيفترض انها المفروض عادي تنط وهو ماشي

اللي مبررش فعل التحرش وحمل البنت الذنب لانه فاهم كويس ان المتحرش مجرم ذي الحرامي بالظبط وماينفعش نبررله ونلوم علي ضحيته

واخيرا الشاب اللي الاسبوع اللي فات في ميكروباص في صلاح سالم لفت نظري ان فيه واحد بيضايق واحدة وبيزنق عليها وطلب مني اقولها تبدل معاه وتيجي جنبي واللي كان السبب ان افكر واكتب المقال دة اتمنى يوصله ويقراه

انتو رجالة بجد ومحترميين انا فخورة بيكو جدا واتمنى الناس كلها تبقى ذيكو

ربنا يحميكو



#نشوه_مصطفى_درويش (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295





- فعالية بمشاركة أوباما وكلينتون تجمع 25 مليون دولار لصالح حمل ...
- -سينما من أجل غزة- تنظم مزادا لجمع المساعدات الطبية للشعب ال ...
- مشهور سعودي يوضح سبب رفضه التصوير مع الفنانة ياسمين صبري.. م ...
- NOW.. مسلسل قيامة عثمان الحلقة 154 مترجمة عبر فيديو لاروزا
- لماذا تجعلنا بعض أنواع الموسيقى نرغب في الرقص؟
- فنان سعودي شهير يعلق على مشهد قديم له في مسلسل باللهجة المصر ...
- هاجس البقاء.. المؤسسة العلمية الإسرائيلية تئن من المقاطعة وا ...
- فنانة لبنانية شهيرة تكشف عن خسارة منزلها وجميع أموالها التي ...
- الفنان السعودي حسن عسيري يكشف قصة المشهد -الجريء- الذي تسبب ...
- خداع عثمان.. المؤسس عثمان الحلقة 154 لاروزا كاملة مترجمة بجو ...


المزيد.....

- فوقوا بقى .. الخرافات بالهبل والعبيط / سامى لبيب
- وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4) ... / غياث المرزوق
- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم


المزيد.....
الصفحة الرئيسية - كتابات ساخرة - نشوه مصطفى درويش - متحرش؟ واهبل؟