كيف تصبح سنكوحا – ظاهرة السنكحة بمصر

محمد شوقى السيد

الحوار المتمدن-العدد: 5658 - 2017 / 10 / 3 - 20:56
المحور: كتابات ساخرة
    

كيف تصبح سنكوحا – ظاهرة السنكحة بمصر
طالما هنتكلم بقى عن السنكحة فلازم نتسنكح الاول وبلاش الكتابة بالفصيح فالسنكحة فن تعامل وآداء محدش يقدر يعملة الا اللى عندة صفات معينة فعشان تبقى سنكوح لازم الاول تتعلم الاول مبادئ واصول السنكحة لازم الاول تعرف تعريف السنكحة
السنكحة انك تاخد متديش تحقق اغراضك وتحصل على اللى عاوزة ممن حولك بدون تقديم اى شئ او بأبسط الاشياء وعشان تبقى سنكوح لازم يكون هناك ناس تتسنكح عليها فعمرك ما هتلاقى مجموعة من السناكيح مع بعض فاول اصل من اصول السنكحة لابد من وجود سنكوح ومتسنكح علية دة اول حاجة
تانى حاجة بقى لو لقيت اللى تتسنكح علية لازم تتعلم التبرير الدائم واختراع الحجج اللى تنجدك دايما من عدم تقديم واعطاء اى شئ فالاصل التانى من اصول السنكحة التبرير والحجج
ودة يديك صفات السناكيح اول صفة الانانية المطلقة للنفس فعمرك ما هتلاقى سنكوح يؤمن ان يحب لاخية ما يحب لنفسة مثلا تانى صفة بقى صفة الكسل فدة اصلا اصل الداء مهو لو مكنش كسول ومأنتخ مكنش لجئ للسنكحة
والسنكحة دى بقى ممكن تبقى فردية وممكن تبقى جماعية زى سنكحة الحكومة بتاعتنا على الشعب فمثلا الحكومة تفرض رسوم نظافة على فاتورة الكهرباء لكل شقة وتلاقى النظافة زى الهباب سنكحة دى ولة مش سنكحة الحكومة شغالة فرض رسوم ودمغات وضرائب بحق وبدون وجة حق سنكحة دى ولة مش سنكحة اذن السنكحة مش افراد بس لا ممكن تمارسها حكومات بل ودول كمان زى امريكا مثلا قعدت صدعت نفوخنا على النووى بتاع العراق وفى الاخر اكتشفنا انها كانت بتتسنكح على البترول العراقى وخلافة يعنى سنكحة دولية
بس تحس كدة ان السنكحة دى اصلها مصرى نابع من طباع الفهلوة المصرية بتاعتنا الحكومة بتتسنكح على المواطن والمواطن يتسنكح على الحكومة والدولة والوطن هى الخاسر بينهما
طيب اة سبل مواجهة ظاهرة السنكحة والسناكيح بص بقى السنكحة الد خصومها الوضوح والشفافية والدغرية فالسنكوح لما تكون معاة دغرى يكرهك فعصرالسنكحة عكسة تماما عصر سيادة القانون والدغرية
وطبعا يقاس تقدم اى مؤسسة حاليا فى ظل انتشار السنكحة فى نسبة السنكحة وعدد السناكيح فكلما كانت نسبة السنكحة مرتفعة كانت تلك المؤسسة متخلفة وبلا قيمة وكلما زاد عدد السناكيح فىها كانت مؤسسة فاشلة وبلا اهمية تعرف بقى الحل فى نظرى اة كل مؤسسة تجمع المكسحين والسناكح فى اماكن واحدة مع بعض وعاوزين يتسنكحو بقى يتسنكحو على بعض
اللهم اعفنا من السنكحة والسناكيح

#محمد_شوقى_السيد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل