يا بهية

محمد حلمي

الحوار المتمدن-العدد: 1457 - 2006 / 2 / 10 - 10:20
المحور: الصحافة والاعلام
    

بعد ما قولنا "مصر ياما يا سفينة مهما كان البحر عالي ... فلاحينك ملاحينك يزعئوا في الريح يواتي" ، أظن عمنا الكبير أحمد فؤاد نجم هيفكر ألف مرة قبل مل يقول الشعر ده تاني بعد ما شفنا سفينتنا غرقانة والناس ماتت يا تيهة في البحر اللي مالوش أول من أخر كدة من غير ميكون ليهم أهمية أو دية وكل ده علشان سي بتاع مش عايز يلفت الانظار ليه وللهم الي هو عامله وماسدء الناس مشغولة في الماتش والكورة والبطولة وقال محدش هياخد باله. الموضوع كبير ومش سهل وهو عايز يعتم عليه ويلبسها لصاحب الشركة الغلبان وأنا مش بدافع عنه أو عن شركته لأي سبب بس لأن الراجل ده فعلان معملش حاجة غلط ومراكبه على مستوى عالي وعالمي فعلان زي ما هو طلع وقال وأسبت بالورق والتقارير اللي واخدها هو من برا يعني مافيش المحسوبية المصرية قبل ما حد يتهمه بكده وكله كان على عينك يا تاجر، ولو ركزنا شوية هنلاقي كل الخطوط بتوضح موقفه : أولا – المركب ديه لو قولنا فعلان انها مش مطابقة للمواصفات وعدت من تحت أيد المينا هنا في مصر علشان هو "مسنود" طيب ازاي عدت من تحت أيديهم هناك في المينا السعودي ديه حاجة، حاجة تانية لو المركب برضه فيه حاجة غلط ساعتها متلوموش الراجل مدام الحكومة مستغنية عنكم ومش فارق معاها تعيشوا ولا تموتوا ووفقوا على نقلها للركاب. ده غير المصيبة الكبرى اللي محدش واخد باله منها ومش عايزين حد يواجهم بيها أن تأخير وسائل الانقاذ والأغاثة لمدة 3 أيام والناس مرمية في الميه ده غلط الحكومة مش الشركة لان مش ديه مسئولية الشركة أفرض أنه راجل ابن كلب مش فارق معاه الناس يبئا الحكومة خلاص ها تبئا تسجنه بعد الناس تكون ماتت والراجل بنفسه طلع وقال أنا بمتلك بوخر كبيرة لا تصلح للأنقاذ لأنها ذات أرتفاعات كبيرة والانقاذ محتاج مراكب صغيرة ومع ذلك قال انا مراكبي تحت أمركم لو تعرفوا تستخدموها فلما يبقى ده واجب الحكومة وتسيب الناس في الميه 3 أيام ده كدة لازم تقوم ثورة على الحكومة ديه الللي بتسرخص الناس لاقصى درجة واد كده بئت البجاحة ، وعلى اد علمي بالبحرية فان آخر الخطوط الدفاعية هي جهاز الابيرب ده بيرسل اخر اشارة استغاثة قبل ما تغرق السفينة على طول يعني على أقصى الحدود الكلام ده كان الساعة 03:00 في الفجر يعني عؤبال ما يوصل لفرنسا وانجلترا و يبعتوا يبلغونا في مصر طبعا لان احنا معندناش واحد لانة كده هيئسر على سي بتاع وعلى دخله وبالتالي هيأصر على مصروف البيت يا حرام ومصروف الولاد اللي مش هايعرفوا يروحوا الاستاد يشتروا تزاكر الماتش اللي بئت فضيحة بلاش نتكلم المهم معنا كدة انها بالكتير يوم ما يبعتوا الاشارة بالبريد المستعجل "ماهو احنا رجعنا لزمن مل كانت الناس بتتواصل عن الطريق البريد" ويوصل على تاني يوم الصبح طيب بئيت اليومين التنيين كانوا فين يا أما ان الادارة كانت على علم بغرق السفينة ولم تحرك قيد أنملة لأنقاذ الناس ، والمركب اللي بعتولها الاشارة ولم تستجب هل كانت هي المركب الوحيدة في البحر الاحمر والباقيين كانوا بيتين بره ولا ايهعلى العلم انها اعلم بالظروف ساعتها ولم تقدر وعلشلن كدة كان لازم تتحرك طيارات و هليكوبتر للمساعدة بس عشم ابليس...
ومنظر الناس وهما بيطلعوهم بعد كدة كان مش حاجة تحزن دا انا مكنتش أقول ايه على رخص دم المصريين وارواحهم وفي الاخر يدوا كل واحد رغيف عيش وبرتقانة ايه ده؟! مافيش حاجة أقدر أقولها غير ليك يوم يا ظالم يا سي بتاع وساعتها مش هانرحمك وهندفعك تمن كل الناس ديه وغيرها ، وايه الهدف من التعتيم على الموضوع ده الا اذا كان ليك فيه ايدوالا كانوا كشفوا كل الاوراق علشان يتم محاسبة الجاني بدل مل اصابع الاتهام ماهي مواجها للراجل بدون اي استنلد لأدلة ، والناس شافت بنفسها سجل الربان "القبطان" من أحسن ما يكون وسيرته الذاتية هايلة والمركب الحكومة هي اللي مسرحلها يعني الشركة وصاحبها لا غبار عليهم.
أنا مش بدافع عن حد لكن بئول اللي انا شيفوا لأن اكيد في لعبة احنا مش شيفنها ولازم يحصل تحقيق دولي على اعلى مستوى علشان يبان الطريق ويحمي الصديق الصديق على رأي محمد منير وساعتها نعرف المحقوق ويتحاسب حساب العدل والحق. وكفاية بئا صمت وذهول آدي دم المصريين راح ومبقاش فيه خشا وكله خلاص هايجيي عليه الدور لو موقفناش وأعترضنا على أرواح الناس اللي ماتوا دول لان ده مش زي الانتخبات كده بكرة يجيي غيره أو تيجي مصيبة تشيلو لا ده مش جار سو ده اللي هيودي بلدنا في دهيا ويمت ولادنا واحنا ساكتين من الخوف.
وأنا عايز أعرف الناس اللي ماتت ديه المفروض الحكومة هي اللي تتكفل بيهم وبأهلهم مش صاحب الشركة وبعدين يخدوا حئوهم منوا براحتهم.
يا خسارة يا مصر و يا ألف خسارة على دم ولادك اللي بيموتوا لجل كلب مافيش عنده اي انسانية او رحمة ده حتة كلمة كلب غلط لاني بظلم كده الكلاب اللي عندها مشاعر و أحاسيس ودلوئتي بئا المفروض نقول: مصر يا سفينة غرقانة وولادك مالهمش ديه ... والربان حرامي عجباه الأعدة دية ... ونيلك شرخ في قلوبنا ولونك دم على جبينا ... واذا كان على الاخلاق فبلاش نفتح سيرة الانسانية.

#محمد_حلمي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل