شنطيهم بعد ؟

عبد صبري ابو ربيع

الحوار المتمدن-العدد: 5592 - 2017 / 7 / 26 - 12:09
المحور: الادب والفن
    

شنطيهم بعد ؟
عبد صبري ابو ربيع
خافن يضيعوني ويضيعون البلد
خافن يقسموني وأحبيْبي
ضحكة ورد
خافن يقسموني
وجمعنه شدة ورد
هجروني .. مرمروني
أهل العداوة والحقد
هذا يا زمن چني
غريب بهالبلد
وأني الزفيت بيدي
مليون ولد
وأني الحميت الدار
وحميت العهد
چلچل عليه الليل
وهمومي عدد
أريد أطير وياه
وياخذني السعد
يلوموني شنطيهم بعد ؟
وروحي نامت على الحد
گمر ونجوم يضوي
سمانه الحشد
أني الفطمت وليدي
عله الرصاص
وهو بالمهد
وأحنه حزمت ورد
الچا وشلون ولعد
خافن تعوفوني
وتنسون البلد
وخافن تبيعوني
وتبيعون الولد
أني سرباس وعمر وحسين
وأني عنوان البلد
تنكروني وأني الخيمه
وأني العمد
تره زلزله أصيرن
لو أصيرن رعد
وخلي الدنيه تميل
وتضع أم الولد
أني أبن المصطفى
أبن حيدر وأبن الصمد
راحوا من هلي
نسور وأسد
تنكروني وأني الوگفت
اسوء وأحقر مدد
خافن تگولون أحنه
أغراب بهذا البلد
وأحنه ولد قحطان وعدنان
وأبناء سومر وأكد

#عبد_صبري_ابو_ربيع (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل