نور فوّاز أبي ناصيف
الحوار المتمدن-العدد: 5083 - 2016 / 2 / 23 - 21:35
المحور:
الادب والفن
مِن غَفوِة الأحلام لو توعا
لا تذكِّر البنت بـِ جوعا
ولا تفتِّح عليك بْواب
بالحِلم لَو شافِتك مَرّة
تزيح عن عيونها خِصلة الغُرّة
وتنادي لـَ خيالك بموّال
مَهلَك يا قاطف العنقود عن خَدَّا
العنب بعدو عالخدّ حُصرم مهدَّا
لا تِلمس السكّر على شفاف النور
ولا تمَشّي الإيد ع جسم ما بيعرف سْكون
ولا بيعرف بـِ ليل العشق يِهدا
غافي عـَ غصن البال خلّيك غافي
خليك بعَتم الليل طَيف من العِلل شافي
تناديك الصبيّة تقول لا تفَيِّق حْساسي
لا تفيّق عيون شافت بدرب الهوى نيران
كيف بدا عالدرب تمشي
ودروب الهوى عليها صارت طويلة ومُرّا .
#نور_فوّاز_أبي_ناصيف (هاشتاغ)
كيف تدعم-ين الحوار المتمدن واليسار والعلمانية
على الانترنت؟