عطيه تمام عبد الحميد
الحوار المتمدن-العدد: 5082 - 2016 / 2 / 22 - 13:46
المحور:
الادب والفن
وفيها ايه
لما ايدي جت ف ايدها
وسلمت
ما انا اصلي كنت ف يوم حبيبها
بس بعدك
انتهت
سالتني عن اخبار حياتي ابتسمت
سالت عن اخبار حياتها ردت دموعها
واشتكت
غصب عني لقيت اديه فوق رموشها
بمحي خوفها
مش بلومها ع اللي فات
او بصحي ف ذكريات فات زمانها
ما انتي كنتي ساعتها واقفه
وكنتي شايفه
وفيها ايه
سالتني عن اخبار حياتي ابتسمت
سالت عن اخبار حياتها رددت دموعها
واشتكت
اوعي تدي لقبي فرصه يعيش زمانها
او يفكر
خليكي دايما حضن دافي مرسي اجيلها
ماهما ابحر
انتي اكبر من دموعها
انتي حلم حياتي واكتر
وفيها ايه
سالتني عن اخبار حياتي ابتسمت
سالت عن اخبار حياتها
رددت دموعها واشتكت
#عطيه_تمام_عبد_الحميد (هاشتاغ)
كيف تدعم-ين الحوار المتمدن واليسار والعلمانية
على الانترنت؟