شعر

حسين العوادي

الحوار المتمدن-العدد: 5081 - 2016 / 2 / 21 - 13:16
المحور: الادب والفن
    

مدن الألم
رسم ظلي
مدينة وچف شرد منها
يسبح بالهوة المهموم
وشبابيچ أنشبح كل شوفها لوجهي
ودمع مراية ينداس بچدم بارد
چف شاب
وچف طفلة
وچف شايب
سالت كل أصابعهم علة صورك،
المدن تكتب ألم بية
لو أول خطة عيوني علة رسومك
لو أول حصاد بوجهي جنت وياي
لو أول حلم متحلمة وياك
نركض على الرصيف نبوگ كل حچيه
ونمشي وي النهر حد ما يطش ماية
ونقرالة قصايد والجرف مهموم
ونودع الشمس ونشابگ النجمات
ونحب ونون من لعنة الماضين
ونشَتم الروس ال تحچي بس دخان
بس دخان
بس دخان
تشب الحقيقة وتحرگ الأحلام
بس حرف مشيول بجفوف الهوة
ينكتب عل الچام ويمسحة المطر
وأركض للمدينة الفازت بوجهك
الحايط ال بمرايتي يخضر صورك
وأدور كل شوراعها
أناشد كل شجرها ال لابس أسمك ثوب
أحچي للمصباح روحي
وما يرد بصبع ضوة لدربك يزتني
تهت بكل خريطة ومدري وين أنت ؟
وين أنت ؟
وين أنت ؟
ظمك بجيبة الألم
أشتعل لون الخريف بشجرة ظنوني
بسنوني وچ أصبع ندم
أبچي بكل مدينة أدوسها أچدامك
أبچي لكل مدينة تنوح لچدامك
تبچيلي المدن من أفگد چدامك
من مد الگصب صوته وطحت عل الچام
شعل وجهك قصايد بين أصابيعي
سمعتك تصرخ بروحي المدن ذلة
مطر رشني وكبر خوفي
لگيت بيوت تحچي السگف للگيعان
وباب بلاية حايط أكل لونة الدم
ودخان نولد من طين
ومصابيح نحنت من ما حچت ضيها
وجسر ذبني بنهر من الناس
دورت الكَتب آخر حرف للماي
ولگيته بعين كل تمثال
لگيته بفطر كل حايط
لگيته بروح كل مصلوب
دريته بروحي وبروحك
ودمع بعيوني وعيونك
وبعيونك
وبعيونك
وبعيونك يشب وجهي
وبعيوني يشب وجهك
أتنايك بكراسي تنبض بوحشة
أتنفس مكاتيبك
يدگ گلبي فرح وأحزان
أعرفك حرز لظنوني
ونذر للآخ
وأمد شوفي بدرب كل عام
بلگت تولدك دقيقة گبال عيني
بلگت بغفوة ألم لنك تچيني
ويخنگ شموعك ضواگ
وينگتل بية صليب الورم بوحشة سنيني

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل