قتلوا القتيل ، بس ممشيوش فى جنازته!

ايمن عاطف

الحوار المتمدن-العدد: 4901 - 2015 / 8 / 19 - 01:41
المحور: كتابات ساخرة
    

عندى مصنع ، مصنع!
انت كمان ياللى بتقرا المقال عندك مصنع .. نفترض ان مصنعى ، مصنعك بينتجوا مواد غذائية ، واحنا الاتنين مقرنا فى مكان واحد ، او مكان متقارب نوعاً ما ، بنتنافس.
عندك 100 عامل فى المصنع ، ال 100 عامل دول انت مضطر توفرلهم سكن ، مضطر تعلمهم ، مضطر تأكلهم وتشربهم ، تأمنهم صحياَ ، مضطر تصرف عليهم عموماً كأنهم عايشين فى بيتهم ، ده طبعاً كمان غير المرتب اللى بياخدوه اخر كل شهر ..
ال 100 عامل اللى عندك شغال منهم 80 بكل جدية ،حزم محللين "لقمتهم" زى ما بيقولوا ، لو شغل المصنع 10 ساعات يومياً هم بيشتغلوا ال 10 ساعات يومياً كاملين من غير ما يريحوا حتى دقيقة واحدة ، وحابين الشغل ، ومش بيحبوا حتى يتغيبوا منه ولو انت قلتلهم ده ، وبينفذوا كلامك بالحرف ، كمان ال 80 دول منهم ناس ابدعت وابتكرت واضافوا اطعمة جديدة ، ونكهات جديدة حببوا الناس فى المنتج بتاعك اكتر ، وبالتالى طبعاً المبيعات زادت اكتر.
ال 20 الباقيين ، 10 منهم بيشتغلوا بس معندهمش ابداع بينفذوا كلامك بالحرف وبس ، اللى انت بقولوا بيتعمل بس مفيش تجديد ، كمان هفترض انهم ساعات بيكسلوا ، وبيسرقوا شوية وقت منك ، بيشتغلوا مثلاً 8 ساعات من ال 10 ساعات ، وبيغيبوا مثلاً يوم فى الاسبوع لدواعى غير صحيحة مثلاً..
ال 10 الباقيين عبارة عن عبء عليك ، ناس مش بتشتغل حتى ساعتين من ال 10 ، بييجوا الشغل يتفرجوا على الناس اللى بتشتغل ، وبيزوغوا منك وانت مش شايفهم ، وبيتوهوا وسط ال 100.

اخر الشهر ، انت عندك 80 % بيشتغلوا شغل بحق ، وده رقم كويس ، كويس جداً!
ارباحك وصلت اخر الشهر صافى اى مصاريف ، سواء اكل وشرب وسكن ، تعليم العمال ، كهربا ، مية ، ماكينات ، 300 الف جنيه مثلاً ، انت اخدت من ال 300 الف دول 100 الف تشترى بيهم معدات احدث واجدد عشان الانتاج يزيد اكتر ، كمان حسنت من اكل وسكن العمال اللى عندك عشان يشتغلوا اكتر ، وده "احتمال" يخلى ال 10 اللى مكانوش بيشتغلوا يغيروا نظرتهم.. كده باقى 200 الف ودول عبارة عن مرتبات العمال ، اذا 2000 جنيه لكل عامل ، وهنفترض ان ده بناءاً على الحياة اللى العمال بيعيشوها نصه بس يكفيهم!
و ده شئ عظيم فى حد ذاته!


مصنعى،
انا عندى مصنع مواد غذائية برضه ، ولنقل بنتج نفس المنتج بتاعك ،
وعندى 100 عامل ، نفس عدد العمال عندك ،
مسئول عن سكنهم ، اكلهم ، تعليمهم ، تـأمينهم الصحى كمان ، وكل ده طبعاً على مسؤليتى انا صاحب المصنع ، وبرضه غير مرتباتهم..

ال 100 عامل اللى عندى لما يكون 40 منهم بس شغالين ، 40 شغالين بمنتهى الجدية ، وبيعافروا وبيحاولوا بأقصى جهد ممكن يعملوا اللى عليهم، ولو القدرة الابداعية اللى عندهم ضعيفة ، لكنهم بيشتغلوا ، مفيدين بالنسبة ليا ..

باقى ال 60 فى منهم 10 بيشتغلوا بس مش شغل ، بيسرقوا منى وقت اكتر من العمال اللى عندك بمراحل ، وليكن 5 ساعات من ال 10 ساعات!

ال 50 الباقيين ، اللى هم بنسبة 50 % من العمال اللى عندى مش بيشتغلوا نهائياً، تايهين وسط العمال اللى عندى وبيقرطسونى ، بيشتغلونى انا!
مفيش اى نوع من انواع الانتاج ، وانا حاسس ان فى قصور بس مش قادر احدد منين ، كمان ال 50 دول عبارة عن عبء عليا ، تعليم ، اكل ، شرب ، علاج وسكن ومبيقدموش حاجة مقابل ده!

اذا انا عندى قوة انتاج بشكل كامل تقريباً 40 % ، الارباح وصلت اخر الشهر عندى اقل منك بكتير طبعاً ، ولنقل 100 الف جنيه ، طبيعى ، ده كده تبذير!
اخدت منهم 50 الف جنيه مصاريف تانية عشان ازود انتاجى واحسن شوية من حال العمال ، طبعاً مش هتعمل طفرة كبيرة ، وممكن اكتفى انى اصرفهم على معدات جديدة ، وال 50 الف التانية هوزعها على العمال ، اذاً 500 جنيه لكل عامل فى الشهر!

مبلغ قليل جداً طبعاً ، كان كفيل ان العمال اللى عندى اكتر من نصهم نفسهم ييجوا المصنع بتاعك بس مش عارفين بسبب انك شبه مستكفى ،وعشان انا كمان بحاول بقدر الامكان احافظ عليهم ، بقولهم ان بكرة هيكون احسن ، واقنعهم ان مستقبل المصنع ده افضل بكتير ، واديهم وعود كذابة انا عارف انها مش هتتحقق ، وغالباً كمان عارف ان القصور منهم بس تقريباً مفيش فايدة ، وكخير مثال للبجاحة وقلة الذوق 30 من ال 50 اللى كانوا عبء عليا فى المصنع بتاعى ، عرفوا ازاى يشتغلوا فى المصنع بتاعك وبقى عندهم الاستعداد يشتغلوا 12 ساعة مش 10 ، يعنى فوق الوقت بشوية!



المهم ، مصنعى دلوقتى من المصانع اللى بقالها ييجى 200 سنة ، على فكرة جد جد جد جد جدى هو اللى بناه وهو اللى عمله ، انت مشفتش كان عامل ازاى ، هتيجى تقارن نفسك بيا يابتاع اول امبارح! ياللى دفاترك بفواتيرك ميجوش صفحة من بتوعى!

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات