نجازف بالحياة .. او نموت بالوحدة

روماني سمير
كاتب, باحث, شاعر, مبرمج
(Romany Samir)

الحوار المتمدن-العدد: 4867 - 2015 / 7 / 15 - 02:26
المحور: الادب والفن
    

"صاحب نفسك " .. "طب طب علي روحك" .. والنوعية دي من النصايح و الجمل مش بستوعبها .. مفيهاش اي تعزية خالص .. وبشوفها مش حقيقية .. اغلبنا لما بيقعد ما نفسه بيجلدها .. يا اما بيوديها في داهية .. ومحدش بينفع يصاحب نفسه .. حتي لما بيتصالح معاها .. ديما في احتياج لدعم من حد غيرنا .. صديق او حبيب او عيلة .. مبينفعش نعيش وحدنا ومنعزلين .. وإلا نمرض .. دا اللي في جيناتنا ودي طبيعتنا .. ودا اللي اتوجدنا بيه .. ودي بصمة المحبة اللي اتختمت بيها قلوبنا من البداية .. في احتياج لمعين نظير .. وتبادل وتفعيل صادق للمحبة دي .. اه فيها مجازفة ومخاطرة .. وبنكون عرضة للالم .. بس هي دي الحياة .. كلها علي بعض مجازفة .. مشينا في الشارع وسط الزحمة كل يوم مجازفه .. واحنا بناكل بنجازف باللي بندخلوا جوانا .. حتي الهواء دلوقتي بقي مجازفة .. لكن كل يوم بنتعلم نقلل خطر المجازفة دي من تجاربنا وان كنا لسة عرضة ليها .. ويا اما نختار نجازف بالحياة .. او نموت بالوحدة .. اشجعكم نخرج من علب البؤس .. ونتعلم نستقبل ونقبل حب من اللي حوالينا .. ونختبر حقيقة الحياة .. في عمق الشركة والحب ..

#روماني_سمير (هاشتاغ)       Romany_Samir#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل