الكعبة بين الله وآل سعود

حسام أبو نوال

الحوار المتمدن-العدد: 4862 - 2015 / 7 / 10 - 23:38
المحور: كتابات ساخرة
    

والله يا جماعه عقل الواحد لو فكر فيه شويه تجيه لوثه وموب بعيد يسطل ويسكر على الريحه والطاري
طويل العمر ابن سعود جعل ربي يطول بعمره باللي أنا خابر صرف على الكعبة وهي حجر لا يضر ولا ينفع مئات المليارات من الريالات طوال الخمسين سنه اللي مضت
وبعهد أبو عابد لحاله أكثر من سبعين مليار ريال
لأن فهد بعهده ما قصر بالتوسع للكعبة ومسجدها
لأنه كان يموت ويعشق الفشخره الكذابه باسم الدين
وهو من أعطى نفسه لقب خادم الحرمين الشريفين كان مريض بالفشخره مثل هوسته بلعب القمار كان حريف فيه
بس ترون ما فيه مشكله بين توسعة الحرمين الشريفين ولعب القمار تدرون ليش ؟؟
لأن مشاريع التوسعة أحسن طريقة للنهب والسرقة باسمها ؟؟ شفط عيني عينك وباسم التوسعة ؟ يعني المشروع اللي يكلف مليار ريال حطوا تكلفته 50 مليار ريال شفطوا 49 مليار في كروشهم
الله لا يحرمنا من طقاع وريحة ذيك الكروش الميته قبل الحيه منها طالبكم قولو أمين
وعلشان ما نقول السالفة وهي معروفه ودي بس أعرف الله عنده الحجر أهم من البشر ياناس ؟؟
زين ابن سعود علشان ينهب ويكسب بنفس الوقت سمعه صرف على توسعة مسجد مكة ومسجد المدينة مئات المليارات من الريالات
صحيح نصها لهطها بجيبه بس الباقي موب هين والله ياجماعه الخير
لا والله موب هين ولا بسيط مبلغ كبير بالحيل

زين كم نسبة الفقر بالبلد ؟؟
أكثر من ربع السكان تحت خط الفقر

زين كم نسبة اللي عاطلين وما يشتغلون ؟؟
ملايين عيال وبنات

طيب كم نسبة اللي ما يملكون سكن بالبلد ؟؟
أكثر من ثلاث أرباع الشعب عايشين بالإيجار
المصيبة أن نسبة الفقر بالبلد أكثر وأكبر من نسبة الفقر في لبنان والأردن
طيب لبنان والأردن عايشين على الله والسياحه والشحاده وماعندهم بترول
وحنا أكبر دوله بالعالم كله تصدره موب حرام هذا ؟؟

زين هل الله مبسوط وراضي بالوضع هذا ؟؟
شعب جيعان وابن سعود يوسع بحجر ؟
أو هدم علشان يبني فنادق فخمه ويستحلب المعتمرين والحجاج والزوار ؟؟؟؟
يا ابن سعود الله يبي البشر عايشه ومستوره وما يبي توسعة للكعبة وحجرها.

#حسام_أبو_نوال (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات