تعليق فيسبوكي طازج

بشارة خليل

الحوار المتمدن-العدد: 4774 - 2015 / 4 / 11 - 14:53
المحور: العلمانية، الدين السياسي ونقد الفكر الديني
    

طيب خلاصه الكلام حوالين اللى بيحصل فى قريه ‏الناصرية‬-;- فى بنى مزار عندنا فى المنيا
كان فى طلبه اعدادى مسيحيين بيتريقوا على اللى بتعمله داعش وكان معاهم مدرس مسيحى وقتها , التريقه دى كان متصور منها مقطع 13 ثانيه على الميمورى بتاع المدرس اللى هو ظاهر فى المقطع .
وقع منه الكارت حد لقيه واخد الفيديو وزعه فى البلد كلها والبلاد اللى حواليه .
الناس اتهجمت على بيت المدرس وكسروه , الشرطه جت بسرعه وانتشرت باعداد كبيره جدا وقبضوا على المدرس واخد 4 ايام على ذمه التحقيق .
طول الاسبوع المسيحيين بيتهددوا هنحرقكم هنولع فيكم , والمدارس رجعت الطلبه المسيحيين لبيوتهم علشان اصحابهم بيهددوهم والعيال قعدت فى البيت .
النهارده بعد صلاه الجمعه انطلقت فى ميكروفنات الجوامع فى الناصريه والقرى اللى حواليها " حى على الجهاد " , طلع شويه عيال بمظاهرات وبداوا يكسروا ويحرقوا ويسرقوا فى البيوت .
عدد الشرطه وقوات الامن المركزى اد عدد سكان القريه مرتين تلاته كده
لو انت لسه راجع من البلكونه تقولى ليه بتقول شويه عيال !!!
ارد عليك واقولك :
ــ انا واخد الكلام من واحد من البلد هناك متابع معاه الموضوع من كام يوم .
ــ 70 % من مسلمين الناصريه رافضين الكلام ده والمظاهرات بتعدى من عند بيوتهم تحدف عليهم طوب ويشتموهم ويتهموهم بالخيانه وانهم تبع المسيحيين .
ــ انا واحد مجرب المواضيع دى بدل المره الف وعايشت وقائع منها كطرف مجنى عليه .
ــ هما شويه عيال وبيبقى معاهم كل مايخطر على بالك من الفئات اللى ملهاش علاقه بالدين اساسا , حد بيحركهم ويوزعهم واى واحد من الاماكن اللى بتحصل فيها الوقائع دى هيعيدلك نفس السيناريو ده.
ــ ولما حد يجىء يتكلم او الشرطه تتدخل يقولولك " ياعم دى شويه عيال مش لاقيه تربيه ومحدش عارفهم تبع مين , فى حد هياخد على عيال !!! " وطبعا مش هقول لما الشرطه بتقبض على حد بيتلموا كلهم حوالين البوكس يخبطوا فيبه لغايه ما يرجعوه تانى من الشرطه !!!
ــ معاليك الشرطه موجوده فى البلد من اسبوع لكن متسألش ازاى ده حصل النهارده واعمال النهب والتخريب شغاله لغايه دلوقتى وقت ما انا بكتب البوست ده .
ــ معاليك مطلوب دلوقتى ان المدرس المقبوض عليه يمشى هو وعيلته و 6 عائلات الطلبه اللى فى الفيديو .
ــ معاليك فى مدرس حاسب الى اسمه " علاء عبد السلام راضى " بمدرسه " القيس الابتدائيه رقم 2 " مركز بنى مزار بردو , من كام يوم الجماعه الاسلاميه وزعت منشورات بتهدر فيها دمه باعتباره ملحد .
ــ طوب الارض كلها عارفه ان علاء مش ملحد وطبقا لتحقيقات لجنه المتابعه كل زمايله فى المدرسه قالوا هو مثال حقيقى للطبه فى كل شىء .
ــ ‫-;-#‏الجماعه_الاسلامية‬-;- بتاجر ضده لانه وقف ضد وكيل المدرسه المنتمى للجماعه فى موضوع منع الاختلاط وضرب البنات اللى مش لابسين طرحه .
ــ تهمه علاء اللى كان متحول تحقيق بسببها كانت انه بيقول للطلبه " حبوا بعض واتجوزوا بعض "
ــ علاء عمل محضر فى القسم قالوله روح الامن الوطنى , امن الدوله قاله تحلها ودى مع الجماعه الاسلاميه .
كل الساده الافاضل , حضرات المصريين
مصر ملهاش اى علاقه من قريب او بعيد بما يسمى المدنيه واحترام الحقوق ومواجهه التمييز احنا عندنا كميه عنصريه وكراهيه نقدر نحتل بيها جهنم مكان ابليس .
مصر عباره عن دوله دينيه قمعيه اكتر من باكستان والسعوديه ذات نفسهم بس كل فتره
بتلبس حاجه كده مختلفه علشان تدارى .
دوله الفقيه ذات نفسها فى ايران عندهم تيار تقدمى بيرفض كل الاشكال الرجعيه الوهابيه دى و هو اللى راهنوا بيه فى مفاوضاتهم النوويه الاخيره واللى العالم كله قرر يراجع عقوباته ضد ايران علشانه .
مش هتكلم عن مناهج التعليم ولا عن السياسه التمييزيه اللى بتغذى كل ده فى البلد , لكن مش هقول غير ان دى مصر بعد القرار التاريخى لاحياء الجماعه واعاده نشر القيم والاخلاق فى المجتمع المنحل للسيد عبد المنعم ابو الفتوح ودعم عثمان احمد عثمان ومباركه من محمد انور السادات .
اه على فكره لغايه دلوقتى مازال السيسى بيثبت انه البشير رقم 2 وبكره تشوفوا مصر

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل