حكاية ..

سوسن أحمد سليم

الحوار المتمدن-العدد: 4660 - 2014 / 12 / 12 - 00:22
المحور: الادب والفن
    

شو بتمنى أحياناً تكون كل الحكايا اللي سمعناها ونحنا صغار ولسا منحب نسمعها ومنستمتع بسماعها لهلأ ... تكون حقيقة ... طبعا رغم أني بعرف وواعية تماماً لحجم الكذب اللي فيها واللي نقلته لأولادي حتى مايعيشوا بعالم من خيال بيعتمد على حنية الغيب عالمظلوم أو على قوة فردية منين بتجي للبطل الوحيد الأسطورة ... ربنا أعلم ..
يعني مثلاً ... سندريلا المظلومة بأسطورة ماعمتنتهي وهي زوجة الأب ... تركيبة حملناها إرث وصرنا نتناقلها جيل بعد جيل ... اليوم قلت لبنتي : هاتي نهاية لقصة سندريلا .. قالت : فردة الحذاء رحتجي على مقاس رجل بنت الخالة ويتزوجها الأمير ... أو حتكون رجل سندريلا تورمت من الطريق وهي حافية ومارحتجي فردة الحذاء على مقاس رجلها ... وكتير افتراضات تانية كانت أقرب للواقع من الحكاية ... لكن لو فرضنا سندريلا والأمير صادقين أنو حبوا بعضهم ... كانت اتنهت القصة بأنو كسروا الساعة ونسيوا الوقت وأعلنوا ارتباطهم بالحفلة ... وتنطح الخالة راسها بالحيط .. والساحر اللي ساعدها يحترق .. بنتي قالت لي .. أصلاً ماما طريقة تفكير سخيفة أني روح على حفلة مشان ينقيني الأمير من بين ألف بنت زوجة أله .. والحلم الأصح أني أنا فكر كيف لازم يكون أميري ...وكيف لازم أعمل علاقة طيبة بزوجة الأب رغم الأسطورة .
وعلى نسق هالحكاية حكايات كتيرة خربت المزاج العام بواقعية الحياة وطريقة تفكير أجيال اعتمدت على الغيب والخرافة والحكاية والأسطورة اللي شدتنا ألها ...
المهم بالموضوع ... بتمنى أحياناً تكون هالحكايات والأحلام الأسطورية حقيقة .. خصوصا لما اسمع فيروز عمتغني ...
ياطيب القلب ياقلبي تحملني هم الأحبة إن غابوا وإن حضروا
/ خذني آه خذني ... خذني بعينيكَ واهرب أيها القمرُ /

#سوسن_أحمد_سليم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل