أصله حيرجع......

خوله محمد المنيزل

الحوار المتمدن-العدد: 4614 - 2014 / 10 / 25 - 23:44
المحور: الادب والفن
    

- سامحتيه ؟
- مبقتش حاجه تفرق او حتى تتغيَّر ,ما خلاص بقى ..
- إنتي قويه
- أنا لازم أكون قويه ,مينفعش أخسر أكتر من كده , هو راجل واختار البنت الّي بيشوفها مناسبه ويكمل حياته معاها وأنا عليّا أباركلهم
- بتعتبريه خساره ؟
- لا ما قصدهوش بقصد نفسي , الموضوع بقى هو راح ,مابقاش في اي حاجه أداريها , ولما بطلّع نفسي من الدايره ديّه وأبص للموضوع من بعيد ,بشوفه هو الّي خِسِر ، مش غرور بس تقدير لذاتي ..
- ما بكيتيش ؟
- لا ابداً ودا الي وجعني , تشوفي كل الناس ساكته حواليكي خايفين يسألوكي "إنتي كويسه ؟" عايزين يواسوكي ومش قادرين , مقدرتش أبكي مقدرتش أصرخ وأقولهم انا بتحرق
- سألتيه عمل كده ليه ؟
- لا خلاص بقى حينفع في إيه , أصل الفرحه الّي كانت بعنِيه وهيّا بحضنه قالتلي , وأي تبرير مش حيغيٍر في النتيجه أي حاجه .
- مجروحه منه لسّا ؟
- نسيت حياتي وعشت حياته .... كبرت معاه ,
سنين طويله راحت وذابت زي الملح مابقاش ممكن ترجع ، حاولت ألاقيله أي مبرر مالقيتش , كان ثعلب .
- محاولتيش تبكي ؟
- بكيت بعدها بإسبوع تَخَيَّلي بيتصل بيّا , بصيت بالتلفون وأقول لنفسي هو حاسس بإيه !! ؟
للحظه إفتكرت إنه دلوقتي رجع لحضنها وبيشم ريحتها ,فاللحظه دي بكيت بحرقه لأول مرّه ف حياتي ,حسيت روحي تصرخ ,روحي من الوجع وصلت السما ..... لو كان حد ميت كان سمعني ,وصلت روحي لربنا ,قولتله عن الّي عمله بيّا ,حسيت الملايكه بتضمني وتطبطب عليّا وتقولي ماتخافيش اصله حيرجع ..
- ورجع!؟
- اه بس بعد إيه !
- أوعي ... كلّه الّا كرامتك .
- كرامتي ؟ ... لا الموضوع إنّي مش مؤمنه بيه ,الموضوع إنّي ح أخونه ف كل يوم عشان أستناه يسالني أنتي بتخونيني ليه ؟ عشان أقوله إني بعدت عن كل صحابي خفت يسألوني عنك! ,عشان ح أكسره ف كل يوم ,عشان أنا حد بيلوم حاله هو أخلص ليكِ ف يوم ليه؟
- حترجعي تحبّي وقلبك يدق من جديد صدقيني
- لا مش عايزه , أساسا لمّا بشوف إتنين بيحبو بعض أو متجوزين ,بستغرب واقول لنفسي هيّا هبله أوي اذا كانت فعلا مؤمنه بيه
- طيب هو ليه سابها ؟
- ما سألتوش بس أنا عارفه
- ليه ؟
- عشان هيا مش زيي

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل