العمر يمشي ويترك تجاعيده

شيرزاد همزاني

الحوار المتمدن-العدد: 4611 - 2014 / 10 / 22 - 14:43
المحور: الادب والفن
    

العمر يمشي
ويترك تجاعيده
وأنت بس
من عمري اللي أريده
أريد كل لحظة عشتها وياك
أحتفظ بيها
ومتحف عمري منها أشيده
هاي الحياة بدونك
يا وليفي
مثل الجحيم
تريد من تزيده
وآني ما أريدها
نفسي عافتها
وهي ما تتركني
حيلي زاد وما تهده
وين ما أروح ألگاك وياي
ووقتي
أنت دوم الشريك
يطوله ويمده
يا ترى
يا قمر عمري
آني ببالك
لو ناري
تشعل بصاحبها وحده
وأنت تعيش حياتك
ومرتاح
وخلي صاحبك
يجني محاصيل كيده
يا وليفي
ما كان كيد
لكن
ليقضي الله أمراً يريده
وكفرت بيه
لأن فراقنا
كان مبغاه ومسعاه
وكل اللي يريده
وعذبني بفرگاك
وخلاني أكتب القصيد
وبوحدي أنشده
ويا ريته قبض روحي
وريحني
حتى لو للجحيم
يلقي بروح من هو ضده

#شيرزاد_همزاني (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل