(-أنتَ وطني-)

خوله محمد المنيزل

الحوار المتمدن-العدد: 4608 - 2014 / 10 / 19 - 21:43
المحور: الادب والفن
    

"انت وطني"

- الدنيا بتمطر !
- اه عارفه

- تعرفي بالمطر بيزيد عشقي للسماء ,بيزيد عشقي لنفسي,لبكره

- الله

-تعرفي حلمي من طفولتي لحد اليوم وانا قربت من الثلاثينات ماتغيرش ابداً (أصل روحي ما بتكبرش) عايزه أطير بالسماء,وأمُر على كل غيمه وأبص على البشر من فوووووووق ,وأضمهم بجناحاتي ,أصلي بحبهم جداً (تخيلوا)

- انتي مزاجك عالي النهارده .

- جداً,عايزه المطر يفوت بكل خليه من جسمي , بيطهرني ,ريحة الارض بتزكرني بالوطن.

- اللــــــــــــــــــــــــــه على الوطن .

-اجمل ما في الوجود ,ممكن يرفعنا لسابع سماء أو يسخطنا لأخر ارض ,أصلي بحسه بحاجات كتيره أوي .

- أزاي؟

- بحضن أمي , ف روح كتاب , ف دمعة ابوي ,في خوف صديق , بحالة الدهشه (من الراجل إيّاه ) لما يفأجأني بحضوره , بحسه بالسماء وهيا بتطهرنا بالمطر , بشوفه لما يسخطنا ف دمعة مقهور ومحتاج وضاع حقه , أصل كل حاجه حنينه هيا ("وطن") وكل حاجه نفقدها هيا كمان ("وطن")

- الوقت تأخر لازم تروحي

- مش عايزه ,عايزه أمشي وأمشي عايزه أروى منه , عايزه أغني

- انتي زمان ما غنيتي نسيت صوتك أساساً

- مش عايزه أغني بالطريقه الكلاسيكيه ,عايزه أصرخ وأضحك واتكلم بطريقتي الغبيه

- انتي غريبه النهارده !

- حاسه روحي طايره زي الملايكه , مفيش حاجه تربطني , خفيفه أوي حتى الجاذبيه بفقدها مفيش حاجه تشدني لتحت.

- كأنك عشقانه ؟

- تعرفي بالمطر بحس فيه أكتر ,بحس روحي توصله وتوشوشله حكاياتي , أصله هو جزء من ("وطني") اللي انا خلقته والمطر أكدلي وجوده .

- وأللي ملوش وطن !

- انا عارفه انه في ناس حتزعل أوي عشان هيا فاقده وطنها , متزعلوش فتشو شويه في نفسكم حتلاقو وطنكم جواكم , أصلكم مش عارفين ان انتو ("الوطن")

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات