قررت اتكلم معايا 1

سمر علي

الحوار المتمدن-العدد: 4567 - 2014 / 9 / 7 - 10:29
المحور: كتابات ساخرة
    

كلنا بنحب الأكل برا البيت أو ساعات بنضطر و يصادف ان يعجبنا نوع معين من الأكل في مكان ما ..بالرغم إن ماما بتعرف تعمله .. بس دايماُ بيقولوا كل واحدة و ليها نفس مختلف في الأكل... و بردوا المثل ده بينطبق علي الموضوع اللي انا هأتكلم فيه .. كل واحد بيستطعم التجربة و بيتأثر بيها غير التاني .. ياعني مثلاً الإحساس بالفراغ اللي كلنا قاعدين نهري فيها بقالنا سنين طويلة ، ده مافيش حد قعدت معاه و اتكلمنا إلا لما ألاقي الحوار يتسلل إلي الفراغ أو الملل و الزهق / الروتين اليومي ..إلخ

ياااه كل الناس عندها الإحساس ده ..بس بردوا فيه تنافر غريب بين الناس ... و طبعاً الفراغ ده بيكون موجود علشان معظم العلاقات الإنسانية اللي بقت قائمة في هذا الزمن مبنية علي مبدأ واحد ألا و هو "المصلحة" واحدة مصاحبة واحدة علشان عيالها مشتركين مع عيال التانية في التمرين ، و لا واحدة مصاحبة واحدة علشان بنتها زميلة بنتها في الفصل فا طبعاً لازم يكونوا أصحاب أهو من باب المصلحة و خصوصاُ ان بين الأولانية غبية و دايماً بتسقط حاجات ، و بنت التانية قردة و بتكتب كل حاجة ورا "الميس" فا طبعاً أُم البنت اللي بتسقط لازم تمسك في أم البنت الهلوبة بأيديها و سنانها .. و هكذا .. الجزء الأهم بقي أن العلاقة المتوطدة دي بتستمر لمدة سنة او ترم علي حسب نوع المصلحة او بلاش نسميها مصلحة خلينا نقول عليها علي حسب نوع "الواجب المشترك" و طبعاً في خلال الترم أو السنة دي العيال يلاقوا امهم مصاحبة أوي طنط "تي تي" و حبايب ..و طبعاً الراجل يرجع تعبان يلاقي مراته بتكلم "تي تي" و بتحاول تكون لطيفة معاها علشان تساعد بنتها الغبية في تجميع واجباتها .. و هكذا ... طيب و بعدين ؟؟! و لا قبلين .. خلاص ما بقاش فيه حد طايق التاني .. و بعدها بسنة ها نكتشف انهم بيقولوا باي باي لبعض من بعيد علشان مش فاضيين ..و الكارثة ان كل واحد بتبرر لنفسها أنها مش فاضية .. و الكارثة الأكبر إن إحنا بنربي أولادنا من غير ما نُقصد علي هذا الأساس... المشكلة مش الناس علي فكرة .. المشكلة إن إحنا منقسمين جوانا إلي إتنين: حد خايف يقرب أحسن يتصدم، زي التجارب السابقة .. أو حد مًتكبر و مًتعالي و شايف إنه أعلي من الناس أصلاُ و عنده "الأنا" واصلة للسما ..و بردوا أرجع و أقول ان المشكلة تكمُن في إننا مش بنواجهه أنفُسنا و لا عارفين نكون واضحين و صُرحاء مع أنفًسنا ... بعد تفكير عميق و بعد لما مريت بتجارب كتر تشبه التجربة السابقة مع الإختلاف في المضمون .. إكتشفت حقيقة واحدة.. هيا إزاي الناس ها تفهمني ، و أنا أصلاً مش فاهماني ... الجزء التاني بقي أكمل معاكم حدوتة "إزاي انا بحاول أفهمني ... ياله بقي شجعوني ..إستعنا علي الشقا بالله ...

#سمر_علي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات