أنا عايزه رئيس

سحر الشربيني

الحوار المتمدن-العدد: 4461 - 2014 / 5 / 23 - 12:21
المحور: الادب والفن
    

أنا عايزه رئيس مقطوع من شجره
لا لُه أخوال ولا لُه أعمام ولا حتى لُه أم
يعمل تحليل في نظافة الدم
ما يكونش لُه زوجه
أنتوكه وتتكلم عُوجه
ونصدع من كتر ما تطلع
على شاشة التلفاز
الهانم جت , الهانم راحت
الهانم حطت بودرة وساحت
اقفلوا مصنع منحوس
إما نشاركه بدون ما هندفع أي فلوس
وإن زقتها شويه لجنب
يمكن أظهر لو دقيقتين
وأقدر اقول م الشعر بيتين
ع cbc
أو ع الأولى
ألاقيني بقيت قشرة فوله
بتقلي واتحَمص واداس
أنا عايزه رئيس من وسط الناس
لا يهزه سوفاج ولا جيجي ولا صافي
ولا يعرف يلعب لعبة شلح
ما يأثر فيه ويطير أم النوم من عينه
غير كل فقير غلبان ومكلح
عايزينه ف حنية مامتي
ما يكونش طويل
ويبص علينا ديماً من فوق
يعني يا دوب مش نلبس أكتر من واحد سنتي
ينجح ف عروض الكرسي
ازاي يقعد ويقوم
وازاي يضحك ويزوم
وازاي يبقى تقيل ويغتت
وازاي يبقى خفيف ويعوم

أنا عايزه رئيس للشعب
ويكون بلعب كاراتيه
وكمان بعزف ع الأورج
لا يخنسر أرض ف بحري
ولا كام مليار في الدرج
يستحمل فينا البرد
ويبرد فينا النار
مش يشخط فينا الشخطه
ينترنا ف حي الثوار
قدامه تعليم وثقافه وفن وفقر
بطاله وجهل ونوم
إرهاب أسود بالكوم
قدامه الحمل تقيل
يا خراااااااااااااابي
دا أنا عايزه رئيس تفصيل

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل