قصيدة شعر بعنوان - النمرة طلعت غلط -

ممدوح السباعي

الحوار المتمدن-العدد: 4442 - 2014 / 5 / 3 - 20:20
المحور: الادب والفن
    

تليفوني إمبارح رن رنة
لقيته صوت مليان محنة
قالتلي يا حلوة ملامحك
إيه مش عارفني؟
أنا البت "منة"
سرحت لحد ما وصلت فوق السحاب من فوق
وراسي دارت ولفت واللي تحتي شفته فوق
إنتي طالباني يا ست؟
أنا اللي عمري في يوم ما عرفت بت
أنا حلوة ملامحي؟
يجبر بخاطرك رب الخلايق
ما كنتش أعرف إني واد جذاب وعايق
وتليفوني يرقص من فرحته
والقلب بوداني سامع دقته
والعقل زي ما يكون اتهرش
زي ما يكون راح حتة تانية مش حتته
وفضلت سارح لا أنا عارف أنا ساكت
ولا باتكلم
لا أنا عارف أنا ممدوح ولا مجروح وبتألم
لا أنا صاحي ولا نايم ولا هايم
لحد ما قالتلي مالك يا محسن إنت مش عارفني؟
بصيت لتليفوني وقلت له آه يا واكسني
أنا اللي افتكرت نفسي في حب البنات أكل الزلط
أهي النمرة طلعت غلط

#ممدوح_السباعي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل