مجلس أمناء..بس بعد الاكل

فالح العتابي

الحوار المتمدن-العدد: 4373 - 2014 / 2 / 22 - 17:42
المحور: كتابات ساخرة
    

مجلس أمناء.. بس , بعد الاكل !!!
فالح العتابي

بعد ما ضرطت تربعت .. عمي يا مجلس أمناء , يا مجلس أبو نعال .. عيب يا الاسدي وعيبين يا الاعرجي .. هذا جان ممكن , كبل اللغف مو بعد اللغف.. روحو سولفوها على البطه .. تره العراقي صار كلشي يفتهم .. مو عبالكم ذاك الغشيم اللي أيصدك جذبكم.. لوما السيد جزاه الله خير ..جان خليتو الوادم تسب اللي خلف اللي كعدكم بهاي المناصب .. عمي يا الاسدي ويا الاعرجي , ويا الدراجي ,ويا الدوري , ويا السعدي , وحتى أنت يا الشهيلي , حتى أنت ...أتقو الله , وكافي, تره طوختوها , واحدكم تفرعن , وصار يلعب بفلوس الحرام لعب .. ما يدوم الحرام ..شلون تصلون وتسجدون ..شدكولوله لله .. نستغفر ونتوب ألك .. لو تروحون للحج , ومن عرفات , حتى يسمعكم الله كلش واضح .. تبجون وتستغفرون .. تقشمرونه , هالنوب الله تقشمروه , مثل ما قشمرتو شعبكم ..هالمره تضحكون على الله .. لا حول ولا قوة ألا بالله..
يا عراقيين , هاي النمونات جانت حافيه ..حافيه والله العظيم حافيه .. ما بجيب الواحد منهم دولار.. تمام يا بهاء الاعرجي .. أشو على غفله.. صار يملك الكاظميه وما بيها , وأملاك يحلم بيها اللي خلف الاعرجي , وسيوله يكدر بيها , يبني خمس مستشفيات , وتلاث مدارس بالناصريه.. كلها من السحت الحرام ..ماطورات بشط الكاظم , هاي وين صايره سيدنا مقتدى , بيا كتر .. كبل بزمن الطاغيه ..جان عدي عنده ماطورات , بس عمي أبحيرة الحبانيه, أيصول ويجول وحده .. خو المقاوم ضياء الاسدي صار دوله, دوله من صدك , أشي أملاك وأشي عقارات وأشي أساطيل , وأشي طركاعه سوده .. والنائبه الططوه , جانت طبيبه بيطريه , أشو جرب صارت دكتوراه بالطب البشري .. يابه شلون هيجي.. كالو هاي نائبه صدريه .. والمهندس محمد الدراجي, حدث ولا حرج , شكو مناقصات بالوزاره , ياخذها , لو أخوه لو أبن عمه , لو عشيرته .. شنحجي عمي , هاي مسلسلات دراما وتبجي , ولكم شنهي ..فرهود خو مو فرهود .. ولكم هذا العراق , اللي خلاكم أوادم .. علمكم وخلاكم بشر تحترمكم العالم .. صدكوني , لازم يوميه , تبوسون كاعه خمس مرات , وتشكرون ربكم ..
وهنا , لازم السيد الصدر , ما يقتنع بمجلس الامناء , لان كلشي ما سوينه , بس شلنه الاعرجي وخلينه غيره .. وشنو يعني ..ظل الحال على ما هو عليه , وهاي قشمره بمعنى الكلمه .. بس أكول شي واحد , حرامات هيجي شكولات , تضيع مكاسب المقاومه وتضحيات شهدائها , اللي من وراهم صعد أبو نعال للسطح ..

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل