لوليلي

نضال مشكور

الحوار المتمدن-العدد: 4352 - 2014 / 2 / 1 - 08:20
المحور: الادب والفن
    

لوليلي حبيبتي
لوليلي....
لوليلي اونفخي عطرچ
بشيشة النِفَسْ
يو بشيشة العطر
يبعد روحي
يعمري
و نظر عيني...

لوليلي
بلچي منچ فد دللول
دللوووووووول
تطرد أشباح السهر
وطيور الحزن
وتجيبلي أحلى حلم
وي حبيبي
وتفرّح دليلي....

لوليلي
لوليلي وگولي للگمر
ياخذني بنور الهوى
اطيرله ا لفوگ
عالي الفوگ
يو هوه ينزل
ينزلّي
ويجيني....

لوليلي
لوليلي يعمري
وبچفوفچ الترفات
على متوني باتي
باتي للفجر
باتي ولا تفارگيني.....
لوليلي...
لوليلي يروحي
وبگصيبة الذهب
ابنصها سبچيني.......

وصوغيني
صوغيني قصيدة عشگ
سبيچه ويا النبض
وي دمي
و دمع عيني.......

لوليلي
لوليلي وهدهديلي
مو ادري آنه
إبهزه منچ
تدوخ جروحي
وتهيم روحي
وطيفچ يجيني....

مسّديلي.....

ليش انت ما تدرين
ليش ماگتلچ آنه ..؟!!!!
ابلمسه ايدچ
جبرة ضلوعي
وفرحة جروحي
وبلسم لروحي
وهودج
حنيني....

لوليلي
او گولي للشمس
روحي عني غاد
الله ومحمد وعلي
وياچ
بعد بالچ
بالچ وياچ تجيني....

#نضال_مشكور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل