قصيدة الانتظار

رائد الاسدي

الحوار المتمدن-العدد: 4337 - 2014 / 1 / 18 - 00:14
المحور: الادب والفن
    

على نار انتضارك حارك الروح
وعلى درب اليجيبك زارع العين
عيوني بيوت ضلت خالية الشوف
وجفوني بغيبتك صارن حياطين
بقت حسرة على خدي البسمة تنشاف
وكفر بية الفرح كفر الشياطين
اول ليلة وحشة اعله اليموتون
بس متصير اشد من وحشتي عليك
كل عصرة كبر كل لوية بالموت
اشوف اضعافهه من يمر طاريك
تعال تمر جرح ؟ شتمر سهر ليل
شمت موت اشمك بس الاكيك
اواعد روحي بيك .. و وحشة الروح
مثل وحشة يتيمة بجية العيد
اواعد باليتيمة وانه مسكين
اريد اتهيد روحي وانه ما هيد
من تسأ لني عنك جاررتي شلون
انه المليت من كثر المواعيد
عيوني تريد شوفك يابس الشوف
احس اعيوني ثكلة وفاكدة وليد
السواد البلجفن لتضن كحل هاذ
انرسم فك الجفن حزن اليالي
من انسال عنك صدك احتار
امثل دور واحد لا ..ابالي
اكلهم مو مهم ماجر !! يجي اليوم
ونته الما تفارك لحضة بالي
حوالي شكد تكلف جيتك هاي
ادفع لويصير الثمن غالي
اذا كل عمري تطلب صدك تنطيك
انطيك العمر ونطي الحوالي
تعال اتوسلك
تعال استاهلك
استاهل الكاك ليش آتاخرت موزين حالي

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل