يا أنا

حسنين قيراط

الحوار المتمدن-العدد: 4302 - 2013 / 12 / 11 - 06:48
المحور: الادب والفن
    

يا أنا
يا معادله صعبة
أحترت ياما وياما
توهت ف حلها
شخصية صلصالية
لا عارفة أولها من آخرها
ولا طولها من عرضها
ولما تيجي تسال أمها
أو حتي أبوها أوعمها
أو حد يعرفها بجد
من قريب أو من بعيد
أو حتي يسمع عنها
ناس تقولك
طيبوبة جدا
وناس تقولك
ده حقد الدنيا ف قلبها
وناس تقولك
بسيطة جدا
وناس تأكد لحضرتك دي معقدة
ناس تقولك مغرورة ، متمردة
وناس تشوفها مغلوبة علي أمرها
ناس تقولك يا بخت جوزها بيها
دا كفاية يبص ف وشها
وناس تقول الله في عونه
دا ياما أتحمل منها
ناس تقول زي الملايكة
وناس تقول دي 100 شيطان ف عقلها
ناس تقول دي عاقلة جدا
ياريت بناتنا زيها
وناس تقول اللهم أحفظنا
دي رايحة خالص منها
ناس تقولك دي منفسنة
وناس رأيها أنها
بسيطة خالص
تحب لغيرها اللي تحبه لنفسها
ناس تقول دي كئيبة جدا
وناس تقولك تموت م الضحك
لو صادفت مرة وقعدت جنبها
ناس تقولك حبوبة خالص
وناس تقول دي زي البومة ف طبعها
وناس تشوفني مريحة جدا
وناس تاخد قرار أنا لازم أبعد عنها
وبرغم كل الفوااارق
ولاني حامدة ربنا
وراضيه بجد ومش فارق
إن كل حاجة م الحاجات دي
فيا حاجة منها
ماهي كل حاجه بتعدي
بعد ما تاخد وقتها
أنا باعترف أنا كل حاجة بنفسها
وأنا كل حاجة وعكسها

خواطر بقلم هبه قيراط

#حسنين_قيراط (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل