قصيدة عامية (ولسه)

وليد حشمت محمد

الحوار المتمدن-العدد: 4157 - 2013 / 7 / 18 - 11:07
المحور: الادب والفن
    

ولسه شايل
ف نفسى حلمى
وحاجات كتير
بتحنى ضهرى
ولسه فاكر
ودايما بغنى
وغنايا دايما
من جوه منى
ولسه صورتك
ساكنه ننى
ولسه الحزينة
وصللنا مينا
حاملة الشقاوة
وعيون حزينة
حاملة البذور
لاراضى بور
ولسه الحنين
ساكن ما طالع
من قلوبنا
رغم الانين
لسه الحزين فارد
ضلوعه
فوق شباك الصيادين
يحلم بيوم
شبكه يصيد
وشبك غيره
ضيع سنين
ولسه صاحبى
بيقولى فاكر
لساك بتحبى
ع السفاين
مستنى حبيبتك
تجيلك
شايلة ف كفوفها
نيلك
شايله ف عروقها
سنينك
شايلة فوق الطرحة
رسمة
شايلة فوق الشفة
بسمة
لسه مستنى تجيلك
روح وفرفش
اسطل وكبر
لما الحقيقة
جوه المراية
طالعة بتنطق
والكل ساكت
يئن يسكت
يضحك يسكت
كل حاجة تسكت
الا صوتى
قالى صاحبى
راح هيسكت
اشمعنى صوتك
انت
اللى مش هيسكت
راح هيسكت
غير يا خوى
حجر معسل
لجل تحلى
يوم وتسكر
لو يوم راح
تفكر
مش هتقدر
ولا فاكر
انت مش هتسكر
رص واسكر
لجل
ما تعرف
تفكر

شعر /وليد حشمت محمد

#وليد_حشمت_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل