اللحمة الوطنية والسلم الاهلي للخروفچوفسكي

نوار عبد الرسول

الحوار المتمدن-العدد: 4156 - 2013 / 7 / 17 - 13:09
المحور: كتابات ساخرة
    

حفاظا على اللحمة الوطنية والسلم الاهلي يجب كمواطنين صالحين ان لا نتعدى الخطوط الحمراء ويجب القاء اللوم على كل ما يحصل الى ما وراء الحدود وحافات المياه وصولا الى لين شونغ وسمرقند..صحيح ان اكثر من نصف مليون مواطن فقدوا حياتهم ما بين مفقود ومذبوح ومقتول واربعة اضعاف العدد ما بين معوق ومهجر وارملة ويتيم ولكن المهم هو اللحمة الوطنية وعدم المساس بالخطوط البنفسجية ام الاصبع ونتائجها الديمقراطية جدا..وبالجلفي نكولهة الوطن لازم يرجع للكلدان والاشور والصراحة احنه عبارة عن قومية متطفلة على وادي الرافدين وعبارة عن اقوام همجية اجت وخربت الحضارة والوطن كلدواشوري لان اخوتنه بالوطن ادبياتهم كلهة تدور حول هالنقطة خصوصا بمنشوراتهم بالخارج وانا حاليا اعاني من انفصام من ورة هالسالفة وكل يوم اسب قحطان وعدنان على هالبلوة اللي ابتلانه بيهة بس المهم نحافظ عاللحمة ومنحجي واحنه اول وتالي خطار ونرجع لتورا بورا او باكستان بلد اجدادي واحفاد المستقبل.. بس المشكلة ان العراق عباسي وبغداد ما بناها الكلدان ولا الاشور بناها المدعو ابو جعفر المنصور هذا هم اصبع بنفسجي مدوحس لان حفاظا على اللحمة والتكة فلازم تبقى بغداد عباسية لان جيرانه امويين ويشجعون الريال واحنه انشجع برشلونه وعلى هذا الاساس وصنطاوي وبدون حس وخبر ومن اجل ان لا يحزن شريكي في الوطن لان الله معنا فالافضل ان يتم تهجيره بالليل وبليلة ما بيهة ضو گمر وباسرع كيا وعالحدود وخلي يروح يشجع الريال براحته بله ما يكسرلنه شيش الوحدة الوطنية..بس الخط البنفسجي الاخر هو ان الروافظ او ما يسمون باولاد المتعة "على الاحوط وجوبا" وهذا وصف لا يوجد بادبيات المواطنة بس ينحجي ببيوت المواطنين الوطنيين القوميين لا يستحقون حكم العراق لان ابو ناجي كالهة وخططهة من خط زاخو للبصرة هذا الوطن هاشمي عدناني بعراني يقف مكتف اليديني لا يعلوه علياني لهذا شركاء الوطن يلعبون طاولي الصبح بمجلس النواب وبالليل شرطة وحرامية واذا هوة ذبك بكيا انته ذبه بالشط..بس السلم الاهلي والتكاتف الوطني خلانه ننسه نسأل عن هذولة اللي اسمهم شركاء الوطن الصابئة والشبك والتركمان بأي غرفة كاعدين من غرف بيت الوطن الواحد لو خلص ايجارهم ونسى الوطن ان يجددلهم عقد الايجار وشافولهم غير لحمة وطنية ذات مذاق طيب وشهي في بلاد لا تعرف اشعة الشمس ولا سمراء البشرة..فوق كل هذا وذاك نبقة اخوان سنة وشيعة "الباقين ما النه علاقة بيهم" وهذا الوطن منبيعه "لان اصلا فاقد الشيء لا يعطيه"..احسن شي الواحد يروح يشوف سلسلة افلام عالم البحار والمحيطات لفاسكو دي كاما على انغام بحيرة الهجع للاديبة ساجدة عبيد حفاظا على السلم الاهلي واللحمة الوطنية..

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل